Jaqynda Ońtústik Koreıanyń Chedjý qalasynda Halyqaralyq áýesqoı boks qaýymdastyǵy (AIBA) atqarýshy komıtetiniń otyrysy ótti.
Osy jıynda 2015 jylǵy eresekter arasyndaǵy álem chempıonatyn Katarda ótkizý týraly sheshim qabyldandy. Taıland eli de bul birinshilikti ótkizýge kandıdatýrasyn usynǵan bolatyn. Nátıjesinde atqarýshy komıtettiń sheshimimen Katar barlyq jaǵynan laıyq dep tanyldy.
Odan keıin osy jerde Halyqaralyq áýesqoı boks qaýymdastyǵynyń kásipqoı boks júıesi (ARV) atqarýshy bıýrosynyń otyrysy ótip, onda ARV jarystaryna qatysqysy keletin boksshylardyń máselesi qaraldy. Jıynǵa qatysýshylar qazir jekpe-jekterge álemniń úzdik 54 boksshysy tirkelgenin, aldaǵy kezde olardyń sany kóbeımese, azaımaıtynyn aıtty. Sonymen birge, bıyl kúzde ARV-diń alǵashqy matchtary ótetini habarlandy. Olar áýeli qyrkúıek aıynda Ýkraına, Brazılııa, Germanııa, Meksıkada ótse, sodan keıin qazanda Almatyda ótedi dep sheshildi. Otyrysta 2016 jyly Brazılııada ótetin Olımpıadaǵa beriletin lısenzııa máselesi de talqylandy. AIBA músheleri ARV jarystaryna Olımpıadaǵa beriletin 70 joldamany bólip berdi.