О́ńirdegi aýyldyq aýmaqtarda ortalyqtandyrylǵan sý jelileri tartylyp, keshendi blok-modýlder ornatylýda.
Bıyl Úkimettiń qoldaýymen 495 shaqyrym sý qubyry salynyp, aýyldar taza aýyz sýdy paıdalanýda.
Al, Aqtoǵaı aýdanyna qarasty Qojalyjar, Áýelbek aýyldaryndaǵy ortalyqtandyrylǵan sý qubyrynyń qurylysy osy jyldyń sáýir aıynda bastaldy.
Qurylysty júrgizgen «Aı-Sý Melıorasııa» JShS jumysty merziminen buryn aıaqtap, aýyldaǵy úıler sý qubyryna qosylýda.
Aýdandyq ákimdiktiń málimetinshe, Qojalyjar aýylynda 22,5 shaqyrymdyq sý qubyryn tartyp, sorǵylardy salýǵa memlekettik qazynadan 618,156 mıllıon teńge, Áýelbek aýylynda uzyndyǵy 19 shaqyrym bolatyn qubyr qurylysyna 515,7 mıllıon teńge bólingen.
- Aýylǵa sý keldi. Endi shelektep sý tasýdyń qajeti joq. Sýyq sý da, ystyq sý da úıde, - deıdi qýanyshty turǵyndar.
Aýdandaǵy Qojalyjar aýylynda 232, Áýelbekte 218 úı bar. Olardyń barlyǵy taza aýyzsý júıesine qosylýda.
Pavlodar oblysy
Aqtoǵaı aýdany