Qazaqstan Respýblıkasy máslıhattarynyń qurylýynyń 25 jyldyǵyna arnalǵan respýblıkalyq konferensııa aıasynda 2019 jyldyń 5 jeltoqsanynda Indýstrııa jáne ınfraqurylymdyq damý mınıstrliginde máslıhattar depýtattarymen salalyq kezdesý ótti. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.
Mınıstrlik basshylyǵymen kezdesýge elimizdiń 15 aımaǵynan 37 depýtat qatysty.
Mınıstrliktiń jaýapty hatshysy Mereke Pishembaev óz sózinde konferensııaǵa qatysýshylardy Qazaqstan Respýblıkasy máslıhattary qurylýynyń 25 jyldyǵymen quttyqtap, jemisti jumys tiledi.
Sondaı-aq otyrys barysynda depýtattardyń aýyl turǵyndaryn turǵyn úımen, aýyz sýmen qamtamasyz etý, «Almaty-О́skemen» temirjoly men «Shalqar-Beıneý» avtojoly arqyly avtomobıl kópiriniń qurylysy, sondaı-aq Aqtóbe qalasynyń áýejaıyna «Ashyq aspan» mártebesin berý jáne Arys qalasyndaǵy oq-dárilerdi shyǵaratyn kásiporyndy joıý týraly suraqtaryna túsindirýler berildi.
Otyrystyń qorytyndysy boıynsha mınıstrliktiń qurylymdyq bólimsheleriniń basshylaryna óńirlerdegi problemalyq máselelerdi jedel sheshý boıynsha tapsyrmalar berildi.