Mańǵystaý oblysy boıynsha Memlekettik kirister departamenti basshysynyń orynbasary Baqytbaı Kópbasarov Aqtaý qalasy aýmaǵyndaǵy saýda oryndaryn jalǵa berýshi kásipkerlermen kezdesti. Bul týraly atalǵan departamenttiń baspasóz qyzmeti habarlady.
Kásipkerlerge patentten salyq salýdyń basqa rejımderine aýysý tártibi jáne onlaın rejıminde baqylaý-kassalyq mashınany ornatý jáne paıdalaný mindettiligi túsindirildi.
2020 jylǵy 1 qańtardan bastap 2018 jyldan bastap keıinge qaldyrylǵan Salyq kodeksiniń normalary jeke kásipkerlerdiń patent negizinde arnaıy salyq rejımin qoldaný talabyn ózgertý bóliginde kúshine enedi.
Salyq kodeksinde patentti qoldaný quqyǵy saqtalatyn qyzmet túrleriniń shekteýli tizimin (32 túri) engiziledi, atap aıtqanda, saýda qyzmetimen aınalysatyn JK 2020 jyldan bastap patent negizinde arnaıy salyq rejımin qoldanýǵa quqyǵy joq, jáne basqa salyq rejımderine kóshýge mindetti.
Patenttik rejımnen basqa salyq rejımderine aýysý úshin qazirgi ýaqytta patenttik rejımdi qoldanatyn JT salyq organdaryna elektrondy túrde (salyq tóleýshiniń kabıneti arqyly) nemese qaǵaz tasymaldaýshy túrinde basqa rejımderge kóshý týraly habarlama jiberýi kerek. Kórsetilgen habarlama 2020 jylǵy 1 qańtarǵa deıingi merzimde usynylmaǵan jaǵdaıda, salyq organdary mundaı salyq tóleýshilerdi tek jalpyǵa birdeı belgilengen salyq salý tártibine ǵana aýdarýǵa mindetti bolady, odan shaǵyn bıznes úshin basqa arnaıy salyq rejımderine bir jyldan keıin ǵana kóshý múmkin bolady.
Sondaı-aq kásipkerlerge salyq salýdyń jalpyǵa birdeı belgilengen tártibin qoldanýmen salystyrǵanda arnaıy salyq rejımin qoldanýdyń artyqshylyqtary túsindirildi: - ASR qoldaný kezinde esep júrgizý men salyq eseptiligin usynýdyń ońaılatylǵan tártibi saqtalady (býhgalterlik esep júrgizýden bosatý); - arnaıy salyq rejımderin qoldanatyn kásipkerler úsh jyl merzimge tabys salyǵyn tóleýden bosatylady.
2019 jyldyń sońyna deıin onlaınmen beriletin BKM ornatý kezinde JK 60 myń teńge mólsherinde jeńildik alady, biraq 2019 jyly JTS somasynyń 50% artyq emes.
Salyq tóleýshilerge kassalyq apparattardyń VEB-qosymshalar túrindegi balamalary bar ekendigi, ony uıaly telefondarǵa ornatý boıynsha barlyq tártipteri túsindirildi.