2020 oqý jylynyń bastalýy qarsanynda Atyraý, Aqtaý jáne Aqtóbe garnızondaryndaǵy áskerı bólimder jaýyngerlik ázirliktiń joǵary deńgeıine keltirilip, taktıkalyq-saptyq jattyǵýlaryn bastap ketti. Bul týraly atalmysh qolbasshylyqtyń baspasóz qyzmeti habarlady.
Áskerlerdiń jaýyngerlik daıarlyǵy boıynsha keshendi taktıkalyq-saptyq sabaqtary barysynda óńirlik qolbasshylyqtyń barlyq áskerı bólimderi dabyl boıynsha kóterildi. Taktıkalyq-saptyq sabaqtar aıasynda bólimshelerdiń rota tizbekteriniń aımaqtaryna shyǵýy iske asyryldy, jyljymaly basqarý pýnkteri óristetildi, aımaqtyq qorǵanyspen ózara is-qımyl uıymdastyryldy, stasıonarlyq jáne jyljymaly basqarý pýnkterin ornalastyrý júrgizildi, sondaı-aq, radıo jattyǵýlardyń is-qımyly pysyqtaldy.
-«Batys» óńirlik qolbasshylyǵynyń áskerı bólimderi jańa oqý jylyna muqııat daıyndaldy. Jańa oqý jylynda Qorǵanys mınıstriniń, qurlyq áskerleriniń Bas qolbasshysynyń qoıǵan naqty mindetteri bar. Negizgi baǵyt – iri aýqymdy oqý-jattyǵýlar men halyqaralyq áskerı oıyndarǵa daıyndyq, dedi «Batys» óńirlik qolbasshylyǵy áskerleriniń qolbasshysy polkovnık Nurlan Aldııarov.
Áskerı daıyndyq aptasy aıaqtalǵannan keıin áskerı qyzmetshiler mamandyq boıynsha daıarlyqqa kirisedi.
Mańǵystaý oblysy