Almatydaǵy Balýan Sholaq atyndaǵy Mádenıet jáne sport kesheninde Konfederasııa kýbogy jolyndaǵy jarystyń jeńimpazy anyqtaldy.
Fınaldyq saıys Túrkistan oblysy men Nur-Sultan qalasynyń qurama komandalary arasynda ótti. Alǵashqy eki kezdesýde alǵashqylary basym tústi. Sáken Bıbosynov (52 kılo) Azat Mahmetovty utsa, Qaırat Eralıev (57 kılo) Ilııas Súlemenovke san soqtyrdy.
Odan keıin elordalyq boksshylar qarqynyn kúsheıtti. Qatarynan úsh báseke solardyń basymdyǵymen ótti. Atap aıtsaq, Samat Begimanov (63 kılo) Shynybek Nazarbekovti, Qanaǵat Maralov (69 kılo) Bekdáýlet Ibragımovty jáne Tımýr Nurseıitov (75 kılo) Bekzat Sabyrdan aılasyn asyrdy.
Biraq astanalyqtardyń odan árige álderi jetpedi. Nurbek Oralbaı (81 kılo) Bek Nurmaǵanbetke, Aıbek Oralbaı (91 kılo) Abzal Quttybekovke jáne Nurbolat Sermahanov (+91 kılo) Nurlan Saparbaıǵa ese jiberdi.
Nátıjesinde 5:3 esebimen jeńiske jetken Túrkistan oblysynyń bylǵary qolǵap sheberleri Konfederasııa kýbogyn jeńip aldy.