Almatydaǵy Balýan Sholaq atyndaǵy Mádenıet jáne sport kesheninde erkin kúresten ótken Konfederasııa kýbogynyń fınaldyq saıysynda Nur-Sultan qalasy men Almaty oblysynyń balýandary kúsh synasty.
Jarysty Jetisý óńiriniń órenderi qarqyndy bastady. 57 kılo jáne 65 kılo salmaq dárejelerinde baq synaǵan Adlan Asqarov pen Ilııas Jumaı óz básekelerin jeńispen aıaqtady. Olar Abzal О́kenov pen Ilııas Amanjolovty utty.
Alaıda odan keıin astanalyqtar qamshy saldyrmady. Álı Kerimov (74 kılo), Nurlan Bekjanov (86 kılo), Eraly Abdrashev (97 kılo) jáne Nurǵalı Nurǵaıypuly óz qarsylastaryn qapy qaldyrdy.
Nátıjesinde 4:2 esebimen jeńiske jetken Nur-Sultan qalasynyń balýandary Konfederasııa kýbogyn jeńip aldy.