Nur-Sultandaǵy «Jekpe-jek» saraıynda karate-kıokýshınkaıdan (KWU) álem chempıonaty óz máresine jetti. Dúbirli dodada 54 memleketten kelgen 301 sportshy óner kórsetti.
Aıtýly sport túri boıynsha elimizde tuńǵysh ret uıymdastyrylǵan bási bólek baıraqty básekede Qazaqstannyń ulttyq quramasy tabysty óner kórsetip, jergilikti janúıerlerdi qýanysh pen shattyqqa bóledi. Bul jarysta úsh jerlesterimiz altyn tuǵyrǵa kóterildi.
Atap aıtsaq, áıelder arasynda 50 kılo salmaq dárejesinde baq synaǵan Lıýdmıla Ýstıýgova fınalda ulybrıtanııalyq Bet Roýlands-Heılıden basym tústi.
70 kılo salmaqtaǵy Álemgúl Sabyrhan sheshýshi saıysta polshalyq Agata Vınıarskaǵa san soqtyrdy.
Erler básekesinde 85 kılo salmaqta aıqasqan Vladımır Artıýshınniń asyǵy alshysynan tústi. Aqtyq synda ol bolgarııalyq Krıstıan Doıchevten aılasyn asyrdy.
Sonymen qatar osy jarystyń qorytyndysy boıynsha taǵy birneshe sportshymyz júldegerler sanatyna qosyldy.