Reseıdiń Saratov oblysyndaǵy Pýgachevo qalashyǵynda oryn alǵan oqıǵaǵa baılanysty eldińń Joǵarǵy soty Stavropol ólkesi mektepterinde oqýshy qyzdardyń hıdjab kııýine tyıym salǵan sheshim shyǵardy. Jalpy, Reseıdiń Stavropol ólkesi Sheshenstan, Daǵystan, Kabarda-Balqar jáne Qarashaı-Sherkes aımaqtarymen shektesedi. Sondyqtan jekelegen málimet kózderinde Reseıdegi halyqtyń 20 mıllıonǵa jýyǵy musylmandar ekendigi aıtylyp qalyp júr. Bul týraly REGNUMaqparat agenttigi habarlady.
Máseleniń ekinshi jaǵyna kelsek, Pýgachevoda budan buryn oryn alǵan tártipsizdikke baılanysty Reseı Prezıdentiniń Federaldi okrýg boıynsha ýákiletti ókili Mıhaıl Babach sheshen jastaryn atalǵan aımaqtan shyǵarý kerek degen sheshimge keldi. Al Saratov oblysynyń gýbernatory Valerıı Radaev ótken jyly sheshenderge qatysty qozǵalǵan isti qaıta qaraý qajettigin, jergilikti polıseıler men sheshen qaýymynyń arasyndaǵy baılanysty jiti zertteýdi alǵa tartty.
Birqatar sarapshylardyń pikirinshe, Pýgachevoda bolǵan oqıǵaǵa baılanysty jergilikti bılik mardymdy sheshim qabyldamaı, janjaldan boılaryn aýlaq ustaǵan syńaıly. Tipti qala basshysy Stanıslav Sıdorov ereýilge shyqqandar aldyna shyǵýdan, buqaralyq aqparat quraldary ókilderine suhbat berýden boı tasalaǵan.
Arnaıy júrgizilgen tekserý kezinde «jaman qylyǵymen» kózge túsken sheshen jastaryn Pýgachevodan shyǵarý isi júzege asyryldy. Degenmen, ishinara orys pen armıan ultynan da kóshi-qon zańdylyǵyn buzýshylar kezikti. Osyǵan qarap, jergilikti bıliktiń qanshalyqty dárejede jumys atqarǵanyn ańǵarýǵa bolady.
Osy jyldyń mamyr aıynyń basynda REGNUM aqparat agenttiginde jarııalanǵan materıalda Tatarstan Respýblıkasynda da syrttan kelgenderdi eline qaıtarý týraly másele kóterilgeni jazylǵan. Ásirese, osy óńirdegi Kýrmanaev selosynyń turǵyndary joǵarydaǵy taqyryptyń ózekti ekenin alǵa tartyp, syrttan tabys tabýǵa kelgenderdi qýyp shyǵýdy jyldamdatyp iske asyrý kerektigine ekpin berdi. Soǵan qaramastan, aıtylǵan másele áli kúnge deıin basy ashyq kúıinde qalyp otyr. Buqaralyq aqparat quralyndaǵy derekke júginsek, Pýgachevoda kisi qolynan qaza bolǵan azamat tatar eken. Sol sebepti de, jergilikti óńirdegi jurtshylyq syrttan kelgenderdi tizimge alý isin qozǵap otyr.
Reseı aýmaǵynyń kólemine baılanysty kóshi-qon máselesin sanaýly ýaqytta rettep shyǵý múmkin emes. Keıbireýler Pýgachevoda oryn alǵan qaıǵyly oqıǵany qala basshysy Stanıslav Sıdrov pen bas polıseıdiń uıymdastyrý jumysynyń olaqtyǵynan izdeıdi. Tártipke «baǵynbaǵan» ózge ult ókiliniń aspannan salbyrap túse qalmaǵany belgili. Olar birtindep kelip, jaıǵasyp alǵan edi. Munyń arty bir ulttyń atyna kir keltiretinin kezinde eshkim oılap jatpady. Endi kelip shıkiliktiń astaryn ózge ult jastaryn kezinde qaladan qýyp shyǵý isiniń qolǵa alynbaǵanymen qarastyrady. Shyndap kelgende, bul sheshim tyǵyryqtan shyǵýdyń joly emes. Qala basshysy ózgergenimen de, aıtylǵan másele birden rettele qoımaıdy.
Ultaralyq, dinaralyq ustanym durys júrgizilmegen jerde qaıshylyqtar týyndaıdy. Sondyqtan memlekettik júıeniń irgesi shetinemes úshin barlyq isti júıeli júrgizý qajet. Al biz qazirgi kezde Taıaý Shyǵysta jantúrshigerlik soǵys bolyp jatqanyn kózben kórip otyrmyz. Sonyń saldarynan hrıstıan qaýymyna sol elden ketýge týra keldi.
Osyndaı keleńsizdikterdi kóre, bile tura Pýgachevoda oryn alǵan oqıǵa qaıtalanbas úshin ne isteý qajet degen zańdy suraq týyndaıdy. Álde tutas ultqa birjaqty baǵa bermes úshin ort