Aldaǵy tamyz aıynda Qazaqstannyń úsh óńirinde elektr energııasynyń quny arzandaıdy. Bul týraly Tabıǵı monopolııalardy retteý agenttigi tóraǵasynyń orynbasary Amanjol Alpysbaev málim etti.
«1 tamyzdan bastap Qyzylorda, Shyǵys-Qazaqstan oblystary men Almatyda elektr energııasynyń quny arzandaıdy», - dedi Alpysbaev.
Berilgen aqparatqa boıynsha, Qyzylorda oblysynda elektr energııasyn jetkizý jáne úlestirý qyzmetine 4,6%-ǵa tómendetilgen ýaqytsha ótemdik tarıf engizildi, ıaǵnı QQS qosa eseptegende 1 kVt úshin 4,38 teńgeden 4,17 teńgege arzandatyldy. Almatyda «Alataý Jaryq kompanııasy» AQ-nyń 2012 jylǵa arnalǵan ınvestısııalyq baǵdarlamany júzege asyrý barysyna jasalǵan taldaý negizinde elektr energııasyn jetkizý jáne úlestirý qyzmetine 0,4%-ǵa tómendetilgen ýaqytsha ótemdik tarıf engizildi, ıaǵnı QQS qosa eseptegende 1 kVT úshin 5,42-den 5,39 teńgege arzandady. Nátıjesinde negizsiz tabys kólemi 115,4 mln teńgeni qurady. Shyǵys Qazaqstan oblysynda «Shyǵysenergotreıd» JShS úshin elektr enegrııasynyń ortasha quny QQS qosa eseptegende 10,21 teńgeden 10,14 teńgege nemese 0,7%-ǵa tómendedi.
Sultan Bozaıǵyr.