Astanada №1 qalalyq aýrýhananyń bazasynda ambýlatorlyq koloproktologııa ortalyǵy jumys istep keledi. Bul elordada koloproktologııalyq aýrýlardy emdeıtin jalǵyz mamandandyrylǵan ortalyq bolyp tabylady. Muny astana.kz saıty jazady.
Atalmysh hırýrgııa №1 qalalyq aýrýhanasynda kóp jyldan beri damytylýda. Qazaqstannyń jetekshi koloproktologtardyń biri medısına ǵylymdarynyń doktory, professor N. Mýn. qalalyq aýrýhananyń hırýrgııa bólim bazasynda jumys istep, kóp jyldaryn osy ǵylymǵa arnap, jeke koloproktologtar mektebin ashty. Onyń tárbıesinen ótken kolorektaldy hırýrgterdiń kóbi Qazaqstannyń túrli aımaqtarynda jemisti eńbek etýde.
Atalǵan ortalyqty qurýdyń negizgi maqsaty - kolorektaldy aýrýlarǵa shaldyqqan, jáne aýyr operasııadan keıingi pasıentterge mamandandyrylǵan jáne joǵary mamandandyrylǵan medısınalyq kómek kórsetý.
«Ortalyqta pasıentterge bilikti konsýltasııalar beriledi, barlyq qajetti tekserýler ótkiziledi (fýnksıonaldyq, rentgenologııalyq, endoskopııalyq, ÝDZ-zertteýler jáne t.b.), sonymen qatar tájirıbeli dárigerler men medbıkelerdiń qadaǵalaýymen qajetti manıpýlıasııalar jasalady. Barlyq proktologııalyq pasıentterdi hırýrgııalyq emdeý barysynda ınnovasııalyq tehnologııalar qoldanylady, bul kúndizgi stasıonarda emdeýge múmkindik beredi»,- delingen qalalyq densaýlyq saqtaý basqarmasynyń aqparatynda.
Ambýlatorlyq emdeý pasıentterdiń ýaqyty men qarjysyn únemdeıdi. Ortalyq qalalyq emhanalardyń joldaýy boıynsha bıýdjettik (tegin) jáne aqyly negizde qabyldaý júrgizip, em-dom jasaıdy.
Japy, koloproktologııa - hırýrgııadaǵy jańa baǵyt, onyń damýy kez kelgen ekonomıkasy joǵary memlekettiń ajyramas bóligi bolyp tabylady. Adamnyń tamaqtaný sıpatynyń jáne gıpodınamııasynyń ózgerýine baılanysty asqazan-ishek joldary aýrýlarynyń qurylymynda toq ishek pen tik ishek patologııasy keńinen taralǵan.
Sultan Bozaıǵyr.