Halyqaralyq sybaılas jemqorlyqqa qarsy kúres kúnine oraı, Mańǵystaý oblysy boıynsha Sybaılas jemqorlyqqa qarsy is-qımyl Departamentimen uıymdastyrylǵan sharaǵa oblys ákiminiń orynbasary Q.B.Jumashev, memlekettik organ basshylary, úkimettik emes uıym, qoǵam belsendileri, «Nur Otan» partııasynyń, Arnaıy monıtorıngtik tobynyń, «Mańǵystaý- adaldyq alańy» jobalyq keńsesiniń ókilderi, JOO jáne kolledj stýdentteri men oqytýshylyq quramy qatysty. Sybaılas jemqorlyqqa qarsy is-qımyl agenttigi Mańǵystaý oblysy boıynsha departamentiniń baspasóz qyzmeti habarlady.
Osy kezeńge deıin atqarylǵan jumystar men tapsyrmalardyń nátıjeleri boıynsha Departament basshysynyń birinshi orynbasary Serik Qanybekov, Mańǵystaý oblysy ákiminiń orynbasary Qanybek Jumashev, Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń stýdenti Aıdynaı Ýtesheva, «Bolashaq» kolledjiniń stýdenti Faızýlla Pýtın, taǵy basqa azamattar sóz aldy.
Ataýly sharada sóz alǵan «Mańǵystaý oblysynyń Azamattyq alıansy» ZTB Prezıdenti Jibek Ahmetova qoǵam tarapynan Adaldyq alańdary men Arnaıy monıtorıngtik toptaryna degen senimniń artqanyn atap ótti.
Qoǵamda sybaılas jemqorlyqqa qarsy mádenıetti qalyptastyrý maqsatynda belsendilik tanytyp túrgen azamattarǵa Alǵys jarııalandy.