Buǵan deıin habarlaǵanymyzdaı, 15 shildede Atyraý qalasyndaǵy bes qabatty úıdiń shatyryn órt shalǵan bolatyn. Endi osy úıdiń shatyryna termojańǵyrtý baǵdarlamasymen jańǵyrtý jumystaryn júrgizgen kompanııa ústinen qylmystyq is qozǵalǵany belgili boldy. Bul týraly oblystyq ákimdikte ótken májiliste Atyraý qalasynyń ákimi Serik Aıdarbekov málim etti.
Eske sala keteıik, Atyraý qalasyndaǵy Avangard-2 yqsham aýdanynda ornalasqan №4 úıdiń shatyry órtke oranǵanda Atyraý oblysynyń ákimi Baqtyqoja Izmuhambetov pen Atyraý qalasynyń ákimi S.Aıdarbekov orynbasarlarymen birge oqıǵa ornyna dereý jetken edi. О́rttiń qasaqana jasalýy múmkin ekendigi jóninde boljam da qarastyrylyp otyr.
Joldasbek Shópeǵul,
«Egemen Qazaqstan».
Atyraý oblysy.