Qyzylorda qalasynda kópir qurylysyna bólingen qyrýar qarjyny maqsatsyz paıdalanǵan derek anyqtaldy. Atalmysh temir joldyń 2 jaq betin jalǵaý úshin salynǵan ótkeldiń jobalyq quny 1,5 mlrd. teńge bolatyn. Bul týraly «24 kz» habarlady.
Kópir qurylysy tolyq aıaqtalmaǵanyna qaramastan, 2011 jyly paıdalanýǵa berilip ketken. Osyndaı keleńsizdiktiń saldarynan memleketke 76,5 mln. teńge shyǵyn keldi. Ony arnaıy tekserý barysynda qarjy polısııasy ókilderi anyqtady. Sondyqtan qurylys jumystaryn júrgizgen «Býshra» túrik kompanııasynyń basshylary Metın men Erdoǵan qamaýǵa alynǵan. Qarjy polısııasynyń qyzmetkerleri iri kólemdegi qarjyny jymqyrǵan Qazaly aýdanyndaǵy gımnazııanyń bas esepshiniń de qylmystyq áreketin áshkereledi.
«Qazaly aýdanyndaǵy №226 gımnazııanyń bas esepshisi men onyń sybaılasyna qatysty qylmystyq is sotta qaraldy. Olar 2010 jyldyń qańtary men 2012 jyldyń qazan aıy aralyǵynda 7,7 mln. teńgeni jeke maqsattaryna jumsaǵan. Sot úkimimen bas esepshige 7 jyl bas bostandyǵynan aıyrý jazasy taǵaıyndalsa, al onyń sybaılasy 5 jylǵa shartty túrde sottaldy», - deıdi Qyzylorda oblystyq qarjy polısııasy departamentiniń baspasóz hatshysy Aıda Jańabergenova.
Danııar Túımebaı.