Ortalyq saılaý komıssııasy taratqan málimet boıynsha, aýyl ákimi laýazymyna usynylǵan 155 úmitker saılaýǵa qatyspaıtyn boldy. О́ıtkeni, keıbiriniń tabysy men múlki jónindegi aqparattan shıkilik shyqty. Bul týraly «1 Eýrazııa» telearnasy habarlady.
Aýmaqtyq saılaý komıssııalarynyń sheshimine sáıkes, 91 úmitker talap deńgeıinen tabyla almasa, 61 azamat óz erkimen saılaýǵa qatyspaıtyny jóninde ótinish jazǵan eken. Qalǵan 3 úmitkerdiń tizimnen ne sebepti alynǵany belgisiz. Tirkeýden sátti ótken 7 myń 18 adam búgin úgit-nasıhat jumystaryn bastap ketti. «Aýyl ákimi bolǵysy kelgen jekelegen úmitkerlerdiń qujatynan shıkilik shyqty. Sondyqtan olar saılaýǵa qatysa almaıdy. Al tirkeýden ótken talapkerlerdiń úgit-nasıhatyn júrgizetin adamdar sany besten aspaýy tıis», - deıdi Ortalyq saılaý komıssııasynyń baspasóz hatshysy Venera Jeksembekova.
Danııar Túımebaı.