Baǵyndyrǵan belester baıyptaldy

Onda oblys ákimi Qumar Aqsaqalov baıandama jasap, óńirdiń 28 jylda qol jet­kizgen jetistikterin sara­la­dy. Búgingi Qazaqstan álem tanyǵan baıypty, tu­raq­ty mem­­leket. Ol ekono­mı­kasy tu­raq­ty el ǵana emes, óner­den, má­denıetten, sport­tan álem­niń aldyna shyq­qan sa­lamatty el. Keshe ǵa­­na Dımash Qudaıbergen Ame­­­rı­kany «baǵyndyrsa», osyn­­­­daı tabystarǵa sol­tús­tikqazaqstandyqtar da ózi­niń úlesin qosyp keledi. A.Vı­nokýrov, J.Jaqııanov sporttan álemdik tabystarǵa qol jet­kizse, Samal Eslámova KSRO-nyń birde-bir ártisi ala almaǵan bıikti baǵyndyryp, dúnıejúzilik eń bedeldi Kann kınofestıvalinde «Eń úzdik áıel róli atalymyna» ıe boldy.

Sonymen qatar baıandamada Soltústik Qazaqstannyń eko­­no­mıkanyń, halyqty áleý­met­­­­tik qorǵaýdyń barlyq salalary boıynsha bıik belesterdi baǵyndyryp kele jatqany aıtyldy. «Qazaqstannyń 30 jyldaǵy ekonomıkalyq damýyn saralap otyryp, aýqymdy jumystardyń atqarylǵanyn kórýge bolady. Osyny saqtap, eseleý bizge amanat. 1991 jyldan beri astyq kólemi 2 esege ulǵaıdy. Táýelsizdik jyldary oblysta 3 mıllıon sharshy metrden astam bas­pana berildi. О́ńirdi damytýǵa arnalǵan jos­­par da óz jemisin berýde»,  de­di Qumar Aqsaqalov. Búgingi ta­bystardyń qatarynda ákim bı­yl oblystyń bes mıllıon tonnadan artyq astyq jına­ǵanyn aýyzǵa aldy. Sonymen qatar oblysta dárigerlik ke­shenniń salynýy qolǵa alyn­ǵanyn, «Qyzyljar» erkin ekono­mıkalyq aımaǵy ashyl­ǵanyn atap ótti.

Baıandamadan soń ákim eldiń ekonomıkalyq já­ne áleý­mettik damýyna belsen­dilikpen úles qosqan bir top aza­matqa Prezıdent Q.To­qaev­tyń Jarlyǵymen berilgen orden-medaldardy jáne Qur­metti ataqtardy tabys etti.