Elordanyń «Astana» fýtbol klýby Eýropa lıgasynyń toptyq kezeńindegi sońǵy oıynyn Belgradta jergilikti «Partızan» komandasyna qarsy ótkizip, 4:1 esebimen jeńilip qaldy. Bul «Astana» úshin osy maýsymdaǵy sońǵy oıyn bolatyn.
Kezdesýdiń birinshi taımynda «Partızan» komandasynan Sýma Seıdýba, Ýmar Sadık, Takýma Asano mergendigimen kózge tússe. Ekinshi taımda Ýmar Sadık dýbl avtory atanyp, oıynnyń núktesin qoıdy. Al «Astana» sapynan Dorın Rotarıý alań ıeleriniń 4 golyna 1 golmen jaýap qatty. Osylaısha, elorda komandasy bıylǵy Eýromaýsymdy jeńispen bastap, jeńilispen aıaqtady. Esterińizde bolsa, «Astana» shilde aıynda Rýmynııanyń ChFR Klýj komandasyn 1:0 esebimen jeńip, Eýrododany sátti bastaǵan bolatyn.
Toptyq kezeńde alty oıyn ótkizgen «Astana» bes oıynda qarsylastaryna ese jiberip, nebary bir-aq oıynda jeńiske jetti. Úsh upaı jınaǵan jerlesterimiz topta eń sońǵy oryndy ıelendi. Al «Manchester Iýnaıted» pen AZ komandasy birinshi jáne ekinshi orynmen Eýropa lıgasynyń 1/16 kezeńine shyqsa, úshinshi oryn alǵan «Partızan» men «Astana» Eýropadaǵy joryǵyn aıaqtady.