Tamyry tereńge ketetin qazaqtyń zergerlik ónerin nasıhattaý men ata-babadan qalǵan asyl mura – ulttyq qolónerine degen qyzyǵýshylyq ǵasyrdan-ǵasyrǵa jalǵasyp keledi. Ulttyq bolmysymyzdy aıqyndaıtyn, qazaq dalasynda atadan balaǵa mıras bolyp kele jatqan qolóner - zergerlik óneri zamanýı qoǵamda da kásibı sıpat alyp, óndiris alańdaryna aınalǵan. Qazaqtyń zergerlik ónerin nasıhattaý men jastarǵa úıretý maqsatynda Almaty qurylys jáne halyqtyq kásipshilik kolledjinde arnaıy pánder onkúndigi aıasynda «Zergerlik buıym jasaý» taqyrybynda sheberlik sabaǵy ótti.
Bolashaq jas sheberler zergermen kezdesip, zergerliktiń kóne óner ekenine, úlken shydamdylyqty talap etetin mamandyq týraly keńinen aqparat aldy. Zergerdiń ónerin baǵalaýǵa tárbıeleýdi maqsat etken sheberlik saǵaty stýdentterdi qazaqtyń zergerlik buıymdaryn tanystyrýdan bastaldy.
Qazaq halqynyń salt-dástúri men ádet-ǵuryptaryn qurmetteýge, kúmistiń emdik qasıetin, kúmiske baılanysty halyqtyq yrymdardy bilýge tárbıeleýge negizdelgen málimetterge qatysty dáris oqyǵan zerger-sheber Aıbek Muqanov zergerlik buıymdardy paıdalaný mádenıetin meńgerý, qazaq óneriniń tarıhynda zergerlik buıymdardyń alatyn orny, árbir buıymǵa paıdalanylatyn shıkizat túrlerine, ony óńdeý, qurastyrýdaǵy erekshelikteri týraly keńinen túsinik berdi.
ALMATY