26 jeltoqsanda Chehııada shaıbaly hokkeıden jastar arasyndaǵy álem birinshiliginiń jalaýy jelbireıdi. Ostrava men Trshınes qalalarynda ótetin bul básekeler 5 qańtarǵa deıin sozylady.
«A» tobynda óner kórsetetin Qazaqstan quramasy tusaýkeser kezdesýin Shveısarııaǵa qarsy ótkizedi. 27 jeltoqsanda Slovakııamen saıysqa tússek, odan keıingi kúnderi Fınlıandııa men Shvesııa hokkeıshilerimen sheberlik baıqasamyz.
Al «V» tobyndaǵy básekeler AQSh, Reseı, Kanada, Chehııa jáne Germanııa komandalary arasynda ótedi. Shırek fınalǵa joldama alǵan quramalar jarysty jańa jyldan keıin jalǵastyrsa, júldegerler men jeńimpazdar 5 qańtarda anyqtalady.
Esterińizge sala keteıik, jastar arasyndaǵy sońǵy álem birinshiligi dál osy mezgilde Kanadanyń Vankýver jáne Vıktorııa qalalarynda ótken edi. Sol jarysta bas júlde Fınlııandııaǵa buıyrsa, AQSh kúmis jáne Reseı qola medaldi ıelendi. Al toptyq týrnırdiń barlyq oıynynda jeńilgen jerlesterimiz jubanysh kezdesýlerde Danııany eki márte utyp, toǵyzynshy orynǵa taban tiredi.