Ǵalymdar «bótelkedegi sýdyń paıdasynan zııany kóp» degen qorytyndyǵa keldi. Hımııalyq saraptama barysynda mundaı sýlardyń quramyndaǵy zalalsyzdandyrýshy zattar, farmasevtıkalyq preparattar jáne basqa da hımıkattar úlesi joǵary ekendigi anyqtaldy. Bul týraly ITAR-TASS habarlady.
Joǵaryda atalǵan zattardyń barlyǵy adam densaýlyǵyna aıtarlyqtaı zalal keltirýi múmkin. Onymen salystyrǵanda qubyrdaǵy sý áldeqaıda taza eken. «Adam densaýlyǵyna paıdaly», «taza sý» dep jarnamalap jatqan plastıkalyq qutydaǵy sýlarǵa qatysty budan buryn da ártúrli pikirler aıtylǵan edi. Zertteýler qorytyndysyna júginsek, qutyǵa quıylǵan sýdaǵy eń qaýipti dúnıe – plastıkti jasaýda qoldanylatyn bısfenol-A. Bul zat bótelke jyly jerde biraz turǵan kezde bólinetin kórinedi. AQSh ǵalymdary tekserý júrgizgen qatysýshylardyń 95 paıyzynyń zárinen bısfenol-A anyqtalypty. Al avstralııalyq taksologııa professory Krıs Ýınderdiń málimdeýinshe, janýarlarǵa tájirıbe júrgizgen kezde bısfenol-A-nyń túrli aýrýlarǵa sebepshi bolatyny dáleldengen. Sol syrqattyń qatarynda qalqansha beziniń, ortalyq júıke júıesi qyzmetteriniń buzylýy sekildi qaýiptileri de kezdesedi. Ǵalymdar janýarlarǵa zertteýler júrgize otyryp, osyndaı tujyrym jasap otyr.
Birqatar mamandardyń pikirine júginsek, plastıkalyq qutylardyń óndirilýi qorshaǵan ortaǵa orny tolmas zalal keltiredi. Sondyqtan ony sý saqtaý úshin qaıta-qaıta qoldanýǵa bolmaıtynyn eskertedi.
Ámirhan Almaǵanbetov,
«Egemen Qazaqstan».