Qoǵam qaıratkeri, ekonomıst Serikbolsyn Ábdildın 82 jasynda dúnıeden ozdy.
Bul habardy saıasattanýshy Erlan Saıyrov Facebook paraqshasynda jazdy.
«Qaıǵyly habar. Qazaqstan Respýblıkasy memleket qaıratkeri, ekonomıka ǵylymdarynyń doktory Serikbolsyn Ábdildın ómirden ótti», - dep jazdy E. Saıyrov Facebook jelisinde.
Ábdildın Serikbolsyn – qoǵam qaıratkeri, ekonomıka ǵylymdarynyń doktory, professor.
Shyǵys Qazaqstan oblysy, qazirgi Tarbaǵataı aýdany Qyzyljuldyz aýylynda dúnıege kelgen.
1982 – 1985 j. Qazaq KSR Aýyl sharýashylyǵy mınıstriniń birinshi orynbasary, 1985 jyly AО́K-ni basqarý jónindegi Respýblıkalyq Joǵary mekteptiń rektory, 1986 – 1987 jyly Qazaqstan Aýyl sharýashylyǵy mınıstri, 1991-1993 jyldary Qazaq KSR Joǵary Keńesiniń Tóraǵasy boldy.
1995 jyldan - Qazaq memlekettik agrarlyq ýnıversıtetiniń (qazirgi - Qazaq ulttyq agrarlyq ýnıversıteti) agrobızneskafedrasynyń meńgerýshisi, professory qyzmetterin atqarady.
Serikbolsyn Ábdildauly 11-ge jýyq ǵylymı eńbek pen 6 monografııanyń avtory.