2019 jyldyń 31 jeltoqsanynan 2020 jyldyń 1 qańtaryna qaraǵan túni, ıaǵnı táýlik ishinde Mańǵystaý oblysynyń shuǵyl jáne jedel medısınalyq járdem stansııasyna 827 shaqyrtý túsken. Bul týraly Mańǵystaý oblysy densaýlyqsaqtaý basqarmasynyń baspasóz qyzmeti habarlady.
Onyń ishinde Aqtaý qalasy boıynsha - 316, al aýdandar boıynsha - 511. Aýrýhanalarǵa barlyǵy 76 adam jetkizilgen. Atap aıtqanda, Mańǵystaý oblystyq «Ana men bala» ortalyǵyna 12, Aqtaý qalalyq perınataldyq ortalyǵyna 6, oblystyq psıhıkalyq densaýlyq ortalyǵy 1, ınfeksııalyq bólimshege 4, oblystyq kópbeıindi balalar aýrýhanasyna 25 jáne t.b.
Eki jaǵdaıda adam ólimi tirkelgen.
Birinshisi - 1942 jyly týǵan kisi, ózi aýyryp úıinde tósekte kóz jumǵan. Ekinshi jaǵdaı - teńiz porty aýmaǵynda er adam sýısıd jasaǵan, ıaǵnı darǵa asylyp qalǵan. Onyń sebebin qazirgi tańda polısııa anyqtaý ústinde.
4 jol-kólik oqıǵasy oryn alǵan. Jeńil túrde jaraqat alǵan jolaýshyǵa alǵashqy medısınalyq kómek kórsetilip, úılerine qaıtaryldy.
Sonymen qatar, «103» qyzmetine telefon shaqyrtý jasap, sońynan bas bas tartqan 13 jaǵdaı boldy jáne 5 jaǵdaıda qaıta shaqyrtý berilgen. Júktilikpen baılanysty 27 shaqyrtý boldy, onyń 24 boıynsha aıaǵy aýyr áıelder perınataldyq ortalyqtarǵa jetkizildi. Al 13 áıel ortalyqqa jatqyzyldy.
«Jedel járdem» qyzmeti Mańǵystaý oblystyq aýrýhanaǵa 20 adam jetkizgen.
Atap aıtqanda, 1 adam mıokard ınfartimen kardıoreanımasııaǵa jetkizildi. Nevrologııa bólimshesine 1 pasıent, taǵy 1 azamat pýlmonologııaǵa jatqyzylǵan. Sondaı-aq, travmotologııaǵa túrli jaraqatpen túskender de boldy, onyń ishinde jol-kólik oqıǵasyna túsken 2 adam bar.
Aqtaý qalasy boıynsha sprıttik ishimdik ishkennen keıin ózderin jaısyz seziný boıynsha jedel járdem stansııasyna 8 ret telefon shalǵandar boldy. Onyń ishinde sýrrogattyq alkogolmen ýlanǵan 2 turǵyn Mańǵystaý oblystyq aýrýhanasyna jetkizildi.
Sonymen birge 1978 jyly týǵan taǵy bir qala turǵyny 2019 jyly jeltoqsannyń 31 kúni túngi saǵat 23:00 shamasynda pırotehnıkalyq buıymdy paıdalaný kezinde qaýipsizdik erejesin saqtamaı, qolynan jaraqat alǵan. Aýrýhanada jatyp em alý qajettigi joq bolǵandyqtan, alǵashqy medısınalyq kómek kórsetilip, úıine jiberilgen.
Mańǵystaý oblysy