Shymkent qalasynyń ákimi Erlan Aıtahanov jańa jyl merekesi qarsańynda qalalyq polısııa departamentiniń qyzmetkerlerine jańa qyzmettik avtokólikterdiń kiltin tabystady. Osylaısha tártip saqshylarynyń kólik parki otandyq óndiriste qurastyrylǵan 109 jańa avtomobılmen tolyqty. Bul týraly Shymkent qalasy ákimdiginiń baspasóz qyzmeti habarlady.
Atalǵan qyzmettik kólikter Prezıdent Qasym-Jomart Toqaevtyń Ishki ister qyzmeti jumysynyń tıimdiligin arttyrý tapsyrmasy boıynsha berilip otyr.
Polısııa qyzmetkerlerin Jańa jyl merekesimen quttyqtaǵan qala basshysy quqyq qorǵaý organdarynyń materıaldyq-tehnıkalyq bazasyn jaqsartý polıseılerdiń jumysyn tıimdirek etetinin atap ótti.
Sonymen qatar Erlan Qýanyshuly polısııa qyzmetkerlerine mereke kúnderi kúsheıtilgen rejımde jumys istep, azamattardyń tynyshtyǵy men qaýipsizdigin qamtamasyz etýdi basa aıtty.
Barlyq avtokólikter zamanaýı arnaıy tehnıkamen, beınetirkeýishtermen jáne navıgasııalyq júıemen jabdyqtalǵan. Bul naqty ýaqyt rejıminde ustaý toptarynyń jumysyn úılestirýge jáne ınspektorlardyń oqıǵa ornyna nemese kúzetiletin obektige kelý ýaqytyn azaıtýǵa múmkindik beredi.
Is-shara saltanatty sherýmen aıaqtaldy.