Birneshe oblysta aýa raıynyń qolaısyzdyǵyna baılanysty eskertý jarııalandy. Bul týraly «Qazgıdromet» RMK ókilderi habarlady.
Sınoptıkterdiń málimetinshe, jaqyn ýaqytta Qostanaı oblysynda tuman túsip, kóktaıǵaq bolady, boran soǵady. Ońtústik-batystan soǵatyn jeldiń jyldamdyǵy keı jerlerde sekýndyna 15-20 metrge jetedi.
4 qańtar men 5 qańtar aralyǵynda Qyzylorda oblysynda tuman seıilmeıdi, kóktaıǵaq bolady.
Sondaı-aq búgin Aqmola oblysyna da eskertý jarııalandy, óńirge tuman túsip, boran soǵyp, jeldiń jyldamdyǵy sekýndyna 20 metrge deıin jetedi.
Búgin Túrkistan oblysynda da tuman túsip, kóktaıǵaq bolady.
«QazAvtoJol» UK málimeti boıynsha, kóliktiń barlyq túri úshin eki jol ýchaskesinde qozǵalys jabyldy: «Úsharal-Dostyq» tas jolynyń 83-184 shaqyrymynda, «Kóktýma-Dostyq» jáne «KT-28» jolynyń 0-32 shaqyrymynda; Tımırıazev-Sarykól-Qostanaı oblysynyń shekarasy.