Ataýly áleýmettik kómek taǵaıyndaýda qandaı ózgeris bar?

Bıyl 1 qańtardan bastap tórt jáne odan da kóp balasy bar otbasylarǵa jeke járdemaqy beriledi. Eskererligi, bul sa­nattaǵy otbasylardyń balalary káme­let jasyna tolmaǵan nemese 23 jas­qa deıingi kúndizgi oqý bóliminiń stýdenti bolýy shart. Bul járdemaqy otbasynyń kiris deńgeıine qaramastan beriledi.

Atap aıtqanda, tórt balaǵa – 42 496 teńge, bes balaǵa – 53 127 teńge, alty balaǵa – 63 757 teńge, jeti jáne odan da kóp balasy bar otbasylarǵa 74 388 teńge járdemaqy taǵaıyndaldy. Sondaı-aq Batyr ana, «Altyn alqa», «Kúmis alqa» alqalarymen nemese «Ana dańqy» ordenimen marapattalǵandarǵa aı saıyn 16 967 teńge tólenedi.

Sonymen birge ataýly áleýmettik kómek bıyldan bas­tap toqsan saıyn taǵaıyndalady. Bul ataýly áleýmettik kómek kirisi otbasynyń ár múshesine shaqqanda kúnkóris mınımýmynyń 70 paıyzynan tómen bolǵan jaǵdaıda beriledi. Iаǵnı, bıyl kúnkóris mınımýmy 31 183 teńge bolyp belgilengenin eskersek, atalǵan somanyń 70 paıyzy 21 828 teńge bolýy tıis. Ataýly áleýmettik kómek tabysy tómen barlyq otbasyna taǵa­ıyn­dalady. Iаǵnı, atalǵan sanattaǵy kóp balaly otbasylar balalardyń jár­dem­aqy­symen birge AÁK te ala alady.

AÁK alatyn otbasylardyń balalary kepildik berilgen áleýmettik toptamaǵa ıe bolady. Aıtalyq, 1 jastan 6 jasqa deıingi tabysy az otbasylardyń balalary azyq-túlik jıyntyǵymen jáne gıgıenalyq quraldarmen, 6 jastan 18 jasqa deıingi balalar mektepterde ystyq tamaqpen, oqý quraldarymen jáne mektep kıimderimen qamtamasyz etiledi, sondaı-aq olardyń mektepke deıingi jol júrý shyǵyndary óte­ledi.

AÁK esepteý kezinde qandaı kirister esepke alynbaq? Eńbek jáne halyqty áleýmettik qorǵaý mınıstrliginiń AÁK alýǵa ótinim bergen kezde qaraıtyn kiris­teriniń ishinde eńbekaqy, zeınetaqy, múge­dektik jáne asyraýshysynan aıyryl­ǵan­darǵa beriletin járdemaqy, kóp balaly analarǵa beriletin jańa járdemaqy, arnaýly memlekettik járdemaqy, eńbek jaǵdaıynyń asa aýyr jáne zııandy, ashyq taý-ken jáne jerasty kásiporyndarynda jumys isteýshilerge arnaýly járdem­aqy, áleýmettik saqtandyrý qory­nan áleý­mettik tólemder, bir jasqa de­ıin­gi bala baǵýǵa beriletin járdem­aqy, úı­de oqıtyn múgedek balalardy oqy­tý shy­ǵynyn óteý, ata-ana qamqor­ly­­ǵyn­syz qalǵan balalar men jetim­derdi ósirý úshin qamqorshylarǵa berilgen jár­dem­­aqy, patronattyq tárbıege tap­sy­ryl­ǵan balalardy ósirýge arnalǵan jár­dem­aqy, múgedek bala tárbıelep otyr­­­ǵan qamqorshylar men asyrap alý­shy­larǵa arnalǵan járdemaqy, jumys berý­shiler qarjysynyń esebinen áleý­met­tik qamtamasyz etý boıynsha jár­dem­aqy, qalalyq qoǵamdyq kóliktegi jolaqyǵa materıaldyq kómek, kómektiń naqty túleriniń baǵasy, sonymen birge onyń ornyna tólengen soma, tólem­aqy­nyń barlyq túrine qosymsha tólem­aqy, alıment, kásipkerlik kirisi, jalǵa berý­den nemese satýdan (jyljymaıtyn múlik, kólik) túsetin tabys, qundy qaǵaz­­dar kirisi, múlikti syıǵa nemese mura­ǵa alý, nesıe men shaǵyn nesıe, qaı­tarym­­syz qarajat alý, qarjylaı salym men depo­zıttiń syıaqysy, aqshalaı aýda­rym­­dar, sondaı-aq baıqaýda, jarysta, olım­­pıa­­dada, festıvalde, lotoreıada jáne taǵy basqa utystar qaralyp, esepke alynady.

Eger Jumyspen qamtý ortalyǵy otbasy­nyń eńbekke qabiletti múshesine jumys usynsa, al atalǵan usynys qa­byl­danbasa onda otbasynyń barlyq múshesine AÁK tólenbeıdi.

AÁK rásimdeý tártibi ózgergen joq. Járdemaqy taǵaıyndaý úshin jumys­pen qamtý ortalyǵyna jeke kýálik kóshir­mesimen birge ótinim berý qajet. Sondaı-aq turǵylyqty jeri boıynsha turaqty nemese ýaqytsha tirkeý bolýy tıis. О́tinim berilgennen keıin jeti jumys kúni ishinde ótinim berýshiniń úıine komıs­sııa kelip, tekserý aktisin toltyrady. Osy­dan keıin ǵana AÁK taǵaıyndaý týraly sheshim shyǵarylady.