23 jastaǵy meksıkalyq sportshy Haıme Mýngııa (35-0, 28 KO) 35 jastaǵy ırlandııalyq Gerı «Spaık» O'Sallıvandy (30-4, 21 KO) orta salmaqtaǵy alǵashqy jekpe-jeginde jeńgennen keıin dıvızıon chempıondarymen kezdesýge daıyn ekendigin málimdedi. Bul týraly Vesti.kz jazdy.
Atap aıtqanda, ol IBF jáne IBO belbeýleriniń ıegeri qazaqstandyq Gennadıı Golovkınge, WBA Super jáne WBC (Franchise) tıtýldary bar meksıkalyq Saýl
«Kanelo» Alvareske (53-1-2, 36 KO), sondaı-aq, WBC nusqasy boıynsha amerıkalyq chempıon Djermall Charlony jekpe-jekke shaqyrdy.
«Men dıvızıondaǵy úzdikter - «Kanelo», Golovkın, Charlomen judyryqtasqym keledi» dedi Mýngııa jeńisinen keıin.
Aıta ketelik, ol O'Sallıvandy 11-raýndta tehnıkalyq nokaýtpen jeńdi. Alaıda Mýngııa birinshi orta salmaqta WBO nusqasy boıynsha álem chempıony ataǵynan bas tartty.