Bıatlonnan Germanııanyń Oberhoff qalasynda ótip jatqan Álem kýbogynyń tórtinshi kezeńinde Qazaqstan erler komandasy estafetadan 17-shi oryn ıelendi, dep habarlady UOK baspasóz qyzmeti.
Estafetaǵa jalpy esebi 26 komanda qatysty. Qazaqstan atynan Anton Pantov, Roman Eremın, Vladıslav Vıtenko jáne Tımýr Kýs jarys jolyna shyqqan bolatyn. Tartysty básekede qazaqstandyqtar 17-shi oryn ıelendi. Sondaı-aq Álem kýbogy reıtınginde Qazaqstan komandasy eki orynǵa joǵarylap, 21-shi satyǵa turaqtady.
Erler arasyndaǵy estafetada Norvegııa top jarsa, Fransııa kúmis, Germanııa sportshylary qola júldeger atandy. Al áıelder komandasy arasyndaǵy estafetada Qazaqstan komandasy 19-shy orynnan kórindi.