24 naýryzda Máskeýde Qazaqstan Respýblıkasy Premer-Mınıstriniń birinshi orynbasary О́mirzaq Shókeev pen Reseı Úkimeti Tóraǵasynyń birinshi orynbasary Igor Shývalov basqaratyn eki eldiń jumys toptarynyń arasynda kelissózder ótti, dep habarlady Premer-Mınıstrdiń baspasóz qyzmeti.
Taraptar Keden odaǵy qyzmeti jaǵdaıyndaǵy ekijaqty saýda-ekonomıkalyq qarym-qatynastardy, onyń ishinde bolashaqta Keden odaǵyna múshe elder rynogyna shyǵarý úshin Qazaqstanda jeńil avtomobılderdi qurastyrý óndirisin damytý máselelerin talqylady.
Alǵashqy satyda Qazaqstanda ÝAZ avtomobılderin qurastyrý óndirisin uıymdastyrý oılastyrylýda. Sonymen birge, perspektıvaly sheteldik avtomobılder markalaryn qosa alǵanda, neǵurlym keń modeldi jeli óndirisin iske qosý arqyly, zaýyttyń óndiristik qýatyn jylyna 50 avtomobıl shyǵarýǵa deıin jetkize otyryp, joba aýqymyn ulǵaıtý máseleleri de qarastyrylýda.
Qazaqstanda shyǵarylatyn avtomobılder úshin О́zbekstan, Qyrǵyzstan, Tájikstan, Ázirbaıjan, Armenııa jáne basqa da kórshi elder bolashaǵy zor ótkizý rynogy retinde qarastyrylýda.