Mańǵystaýda «Brakoner» jedel-profılaktıkalyq is-sharasy barysynda Jańaózen qalasy Polısııa basqarmasynyń qyzmetkerleri páterlerdiń birinde jalpy salmaǵy salmaǵy 250 keli quraıtyn 77 dana bekire tuqymdas balyqty tabylyp, tárkilendi. Bul týraly Mańǵystaý oblysy Polısııa Departamentiniń baspasóz qyzmeti habarlady.
Osylaısha, bekire tuqymdas balyqtardy zańsyz aýlaýǵa jáne satýǵa bolmaıtyndyǵyn bile tura onymen aınalysýdy tabys kózine aınaldyrǵandar zań aldyna keldi.
Atalǵan derek Qazaqstan Respýblıkasynyń QK-niń 339-babyna sáıkes Jańaózen qalasy Polısııa basqarmasynyń sotqa deıingi tergeýdiń biryńǵaı tizilimine tirkeldi. Sotqa deıingi tergeý amaldary júrgizilýde.