18 jáne 19 qańtar kúnderi Máskeýde Qurlyqtyq hokkeı lıgasynyń (QHL) «Juldyzdar matchy» ótetini belgili. Bul shoýda aıtýly týrnırdiń tórt dıvızıonynyń komandalary ózara sheberlik baıqasady.
QHL-da Nur-Sultannyń «Barysy» Chernyshev dıvızıonynda baq synap júrgeni barshaǵa málim. Bizdiń komanda sapynan «Juldyzdar matchynda» tek Darren Dıs qana óner kórsetedi. Mine, dál sol qazaqstandyq klýbtynyń quramyndaǵy kanadalyq legıoner Máskeýde ótetin shoýda óz dıvızıonynyń kapıtany bolyp taǵaıyndaldy.
«Juldyzdar matchynda» óner kórsetý ár oıynshy úshin úlken mártebe. Jeke óz basym BAQ ókilderiniń tańdaýy maǵan túskenine qatty qýanyp otyrmyn. Onyń ústine komanda kapıtany bolyp taǵaıyndaldym. Máskeýdegi básekede men tek «Barystyń» ǵana emes, kúlli Qazaqstannyń namysyn qorǵaımyn. Sol matchtarda kóremender kóńiline selkeý túsirmeýge tyrysamyn, deıdi Darren Dıs.