Syrtqy ister mınıstri Muhtar Tileýberdi Prezıdenttik jastar kadr rezerviniń múshelerimen kezdesti. Bul týraly Syrtqy ister mınıstrliginiń baspasóz qyzmeti habarlady.
Kezdesýge mınıstrdiń orynbasarlary, Jaýapty hatshy, Investısııa komıtetiniń jáne «KazakhInvest» UK» AQ tóraǵalary qatysty.
Syrtqy saıası vedomstvonyń basshysy kezdesýge qatysýshylardy Memleket basshysynyń bastamasymen qurylǵan Prezıdenttik jastar kadr rezervine ótýimen quttyqtady.
M. Tileýberdi mınıstrliktiń Prezıdenttik jastar kadr rezervine engizilgen tulǵalardy basqarýshy laýazymdarǵa taǵaıyndaýǵa qyzyǵýshylyq tanytatynyn atap ótti.
Basshylyq qyzmetke rezervshilerdiń alǵashqysy bolyp mınıstrliktiń Jaýapty hatshysy Árken О́tenov taǵaıyndalǵanyna nazar aýdardy. Bul tájirıbe Qazaqstan Respýblıkasynyń SIM apparatynda jańa bos basshylyq qyzmetterdiń paıda bolýyna ákeletinin atap ótti.
Kezdesýge qatysqandar Qazaqstan Respýblıkasynyń syrtqy jáne ınvestısııalyq saıasatyna qatysty suraqtardy qozǵady. Rezervshiler Qazaqstannyń syrtqy saıası jáne ekonomıkalyq múddelerin odan ári ilgeriletý boıynsha óz usynystary men kózqarastarymen bólisti.
Is-sharadan keıin vedomstvo basshylyǵy rezervshilermen túrli baǵyttar boıynsha jeke kezdesýler ótkizdi.