Bilikti maman Vladımır Nıkıtenko Qazaqstan Premer-lıgasynda óner kórsetetin «Taraz» klýbynyń bas bapkeri bolyp taǵaıyndaldy.
63 jastaǵy Kabardıno-Balkarııanyń týmasy 1978-1987 jyldar aralyǵynda Almatynyń «Qaırat» klýbynda óner kórsetti. Amplýasy – jartylaı qorǵaýshy. Respýblıkamyzdyń bas komandasy sapynda 300-ge jýyq oıyn ótkizip, 14 márte qarsylastar qaqpasyn dál kózdedi. Keıinnen Pavlodardyń «Traktor», Jambyldyń «Hımık» jáne Almatynyń «Dostyǵynda» oınady.
1991 jyldan bastap bapkerliktiń qamytyn kıip, Qazaqstannyń kóptegen klýbtaryn baptady. 2017 jyly elimizdiń jastar quramasynyń (U-21) tizginin ustady. 2003-2007 jyldar aralyǵynda Groznyıdyń «Terek» klýbyn jattyqtyrdy.