Áleýmettik, aǵartý, sporttyq jáne medıasııa sekildi 4 mańyzdy baǵyty tanystyryldy.
Búgin О́skemende Qazaqstan halqy Assambleıasy eriktiler qozǵalysy ortalyǵynyń jumysy tanystyryldy.
Tusaýkeser rásimine oblys ákiminiń orynbasary Álisher Marhabat, Qazaqstan halqy Assambleıasy ShQO hatshylyǵynyń meńgerýshisi Janna Asqarova, ShQO Jastar resýrstyq ortalyǵynyń dırektory Araılym Esimbekqyzy, etnomádenı birlestikterdiń jetekshileri qatysty.
«Búginde árbir qazaqstandyq etnıkalyq quramyna qaramastan ózderin úlken otbasynyń bir múshesi sezinedi. Dostyq úıleri, etno mádenı birlestikter óńirdiń qoǵamdyq-saıası ómirine belsendi qatysady. Qoǵamdyq kelisim men ulttar arasyndaǵy bereke-birlikti nyǵaıtýǵa úles qosyp keledi. Eriktiler qozǵalysy ortalyǵynyń ashylýy Qazaqstan halqy Assambleıasynyń 25 jyldyǵymen tikeleı baılanysty» deıdi Á.Marhabat.
Jıyn barysynda qatysýshylarǵa eriktiler qozǵalysynyń áleýmettik, aǵartý, sporttyq jáne medıasııa sekildi 4 mańyzdy baǵyty tanystyryldy.
Ortalyq 2020 jyly qaıyrymdylyq aksııalaryn, mańyzdy taqyryptarda oqýshylar men stýdentterge arnalǵan sheberlik synyptaryn, semınarlardy, kópbalaly analarǵa bıznes-trenıngter uıymdastyrýdy, áleýmettik turǵydan az qamtylǵan jasóspirimderdi, ıaǵnı, О́skemendegi Úmit balalar úıi tárbıelenýshilerin sportpen shuǵyldanýǵa, salaýatty ómir saltyn ustanýǵa baýlýdy josparlap otyr.
О́SKEMEN