Mýngııamen judyryqtasýy múmkin

Bul jekpe-jek jaıynda biz beker áńgimelep otyrǵan joq­pyz. Onyń ózindik sebebi bar. Atap aıtsaq, Gerı O’Sallıvan ke­zinde Borattyń keıpine enip, Qazaqstannyń maqtanyshy Gen­­nadıı Golovkındi jekpe-jekke shaqyrǵan edi. Biraq GGG ózinen deńgeıi áldeqaıda tómen boksshymen kúsh synasýdy qup kórmedi. Al Haıme Mýngııa bolsa, aldaǵy ýaqytta qazaqtyń qurysh ju­dyryqty jigiti Qanat Is­lam­men ju­dyryqtasýy múmkin. Bul kún­deri buqaralyq aqparat qu­ral­darynda osy is­pettes áńgi­­meler jıi aıtylýda.    

Rasynda da, Haıme Mýn­gııa – óte myqty boksshy. 23 jas­taǵy Meksıkanyń óreni ke­zinde bir­neshe beldi nus­qalar boıynsha álem chempıony atanǵan áıgili Antonıo Mar­garıtomen bir zalda jat­tyǵyp, saqa sportshy­dan kóp nárse úırendi. Qa­zir­gi kezde ol Noe Alvares pen Ro­­bert Alkasar syndy bi­lik­­­ti bap­kerlerdiń qol astyn­da jat­tyǵýda. Sonymen qatar Haımeniń ákesi de osy sport túrin serik etip, asa aýyr sal­maq­ta óner kórsetti.

Kásipqoılar arasynda óziniń tusaýkeser kezdesýin Mýngııa 2013 jyldyń 13 shildesinde ót­kiz­di. Ol kezde Haıme nebary 16 jasta edi. Sodan beri 35 márte rıng­ke kóterilgen ol barlyq qar­sylasynan basym tústi. 28 básekeni merziminen buryn aıaqtady. Byltyrǵy jyldyń mamyr aıynda ótken jekpe-jekte AQSh-tyń ókili Sadam Álıdi tór­tinshi raýndta uryp jyqqan Meksıkanyń jas perisi birinshi orta salmaqta WBO nusqasy boıynsha álem chempıony ataǵyn ıelendi. О́ziniń altyn belbeýin ol ulybrıtanııalyq Lıam Smıt, kanadalyq Brendon Kýk, ja­ponııalyq Takeshı Inoýe, ır­landııalyq Denıs Hogan jáne ganalyq Patrık Allotıge qarsy aıqastarda sátti qorǵady. 

Byltyr Mýngııa sol kezde­gi WBC, WBA jáne IBF nusqa­l­ary boıynsha orta salmaq­ta­ǵy chempıondyq tájdiń ıege­ri Gennadıı Golovkınmen judy­ryqtasýǵa nıet bildirdi. Qazaq­standyq boksshy qarsylyq bil­dirmegen kórinedi. Biraq Neva­da shtatynyń atletıkalyq komıssııasy tájirıbesiniń azdyǵyn alǵa tartyp, Golovkınniń Mek­sıkanyń órenimen kúsh synasýy­na ruqsat bermedi.

Bul kúnderi barsha qazaqstan­dyq jankúıerler Haıme Mýngııa­nyń Qanat Islammen kúsh synasýyn qalap otyr. Sebebi qan­dasymyzdyń kásipqoı rıngte kúsh synasyp júrgenine segiz jylǵa jýyqtap qaldy. Sol aralyqta 27 jekpe-jek ótkizgen ol barlyǵyn jeńispen aıaqtady. 21 qarsylasyn esinen tandyrdy. Soǵan qaramastan, 35 jastaǵy Islam úshin beldi nusqalardyń biriniń altyn belbeýi úshin ta­lasýdyń esh reti kelmedi. Shyny kerek, Qanat tek ortańqol boks­shylarmen ǵana judyryqtasyp júr. Ony moıyndaýǵa tıispiz. Sonyń saldarynan ol bir orynda qalyp qoıdy. Boks álemindegi dá­rejesi de, bedeli de óse qoıǵan joq. Reıtıngi de turalap tur. Al eger joǵarydaǵy jospar júzege asyp, Mýngııa men Islam ortaq mámilege kelse, Qanat baýyrymyz úshin kásipqoı rıngte ózin tú­begeıli moıyndatýǵa tamasha múm­kindiktiń týyndaıtyny anyq.