Qazaqstan Respýblıkasynyń Prezıdenti Qasym-Jomart Toqaev halyqqa joldaǵan Joldaýynda 2020 jyldy «Volonter jyly» dep jarııalaýyna oraı, Aqtaý qalasy Polısııa basqarmasynyń bastaýymen Aqtaý qalasy ákimdigimen jáne bilim berý uıymdarynyń ókilderimen birlesip memorandým jasaldy. Sondaı-aq keń aýqymdy kezdesý ótti. Bul týraly Mańǵystaý oblystyq polısııa departamentiniń baspasóz qyzmeti habarlady.
Kezdesý maqsaty - Aqtaý qalasy «Jastar» ortalyǵynyń stýdentterin «Eriktiler» qataryna tartý. Memorandýmda eriktilerdi qoǵamdyq tártipti saqtaýǵa, ony qamtamasyz etýge, quqyqbuzýshylyqtyń aldyn alý, quqyqbuzýshylarǵa salynǵan aıyppuldardy óndirý baǵytynda eskertý jumystaryn uıymdastyrýǵa 50 erikti-stýdentter aımaqtyq ýchaskelik ınspektorlarmen birge qyzmet atqardy.
Sondaı-aq, 7 orta mektep oqýshylarynan qurylǵan Jol qozǵalys jas ınspektorlary Aqtaý qalasy boıynsha jaıaý júrginshilerdiń qatysýymen oryn alatyn jol-kólik oqıǵalarynyń aldyn alý baǵytynda ıývenaldy polısııa qyzmetkerlerimen birlesip qyzmet atqardy.
Stýdent jastar men orta mektep oqýshylary atalǵan is-sharaǵa belsene qatysyp, qyzyǵýshylyqtaryn kórsetti. Bul is-shara aldaǵy ýaqytta turaqty túrde jalǵasyn tabatyn bolady.
Mańǵystaý oblysy