Halyqaralyq fýtbol tarıhy men statıstıka federasııasy (IFFHS) 2019 jyldyń qorytyndysy boıynsha ulttyq chempıonattardyń reıtıngin jarııalady.
Baqandaı 10 jyl boıy úzdik dep tanylǵan Ispanııa La Lıgasy bul joly tuǵyrdan taıyp, úshinshi satyǵa syrǵyp tústi. Olardyń aldyn Anglııanyń Premer-lıgasy men men Brazılııanyń A serııasy basyp ozdy. Sonymen qatar, Italııa, Kolýmbııa, Portýgalııa, Fransııa, Gollandııa, Argentına jáne Germanııanyń ishki birinshilikteri úzdikter sanatyna enip otyr.
Myqtylar tiziminde Qazaqstan Premer-lıgasy 43-orynda tur. Burynǵy TMD aýmaǵyndaǵy elderi arasynda biz tek Ýkraına (25-oryn) men Reseıdi (26-oryn) ǵana alǵa jiberdik. Azııa memleketteri arasynda altynshy satyǵa turaqtadyq. Aldymyzda – Ońtústik Koreıa (30-oryn), Egıpet (31-oryn), Saýd Arabııasy (32-oryn), Japonııa (37-oryn) jáne Qytaı (39-oryn). Al Eýropa qurlyǵy boıynsha 26-orynǵa taban tiredik.