Kórnekti ǵalym, ádebıettanýshy, professor Sherıazdan Eleýkenovke I dárejeli «Barys» ordeni berildi. Memleket basshysy Qasym-Jomart Toqaevtyń tapsyrmasymen ádebıet qaıratkerine aıtýly marapatty Almaty qalasynyń ákimi Baqytjan Saǵyntaev tabys etti. Bul jáninde B. Saǵyntaev óziniń Instagramdaǵy resmı paraqshasynda jazdy.
«Memleket jáne qoǵam qaıratkeri Sherıazdan Rústemuly qazaq ádebıeti tarıhyn, kitaptaný men jýrnalıstıkany zertteýge zor úles qosty. О́ziniń 90 jasynda da ol áli jumys jasaýda. Sherıazdan aǵaǵa uzaq shyǵarmashylyq jyldar tileımin!» dep jazdy B. Saǵyntaev.
Eleýkenov Sherıazdan Rústemuly Shyǵys Qazaqstan oblysy Ulan aýdanynyń Arshaly aýylynda 1929 jyly 3 qyrkúıek kúni týǵan.
Memleket jáne qoǵam qaıratkeri, ǵalym, jazýshy, pedagog, jýrnalıst, baspager, fılologııa ǵylymdarynyń doktory, Qazaqstannyń eńbek sińirgen mádenı qyzmetkeri, Qazaqstan Respýblıkasy Memlekettik syılyǵynyń laýreaty.
Onyń eńbekteri qazaq ádebıetiniń tarıhyna, qazaq romanynyń tarıhy men teorııasyna, maǵjantaný problemalaryna, kitaptaný men jýrnalıstıkaǵa arnalǵan.