Memleket basshysy Qasym-Jomart Toqaev Qazaqstannyń zańnamasyna saı kelmeıtin sheteldik kólikterdi elge kirgizbeýdi tapsyrdy. Bul týraly Memleket basshysy Qazaqstan Respýblıkasy Úkimetiniń keńeıtilgen otyrysynda aıtty.
«Kólikterdiń tirkelýi 2021 jyldyń 1 naýryzyna deıin kúshinde bolady. Mundaı kólikter tehnıkalyq reglamenttiń talaptaryna saı bolýy kerek. Sondaı-aq tirkeý somasy men memlekettik bajdy tóleýi tıis. Ýaqytsha tirkeý bir qoldan ekinshi qolǵa satylyp baryp, jasalmaýy tıis.
2021 jyldyń 1 naýryzyna deıin avtokólik ıeleri kólikterin turaqty tártipte tirkep, kedendik baj ben ýtılızasııalyq somany tóleýi tıis. Bolmasa ol kólikti elden shyǵarýy nemese zańnamamen tyıym salynbaıtyn basqa da amalmen máselesin retteýi qajet. Úkimetke Qazaqstannyń zańnamasyna qaıshy keletin kólikterdi budan ary kirgizbeýdi jáne paıdalanýǵa shekteý qoıý sharalaryn qolǵa alýdy tapsyramyn» dedi Memleket basshysy.