Mańǵystaý oblysynyń ákimi Serikbaı Trumovtyń ókimimen Mańǵystaý oblysy Din isteri basqarmasynyń basshysy qyzmetine Maqsatbek Mahanbetov taǵaıyndaldy.
Maqsatbek Shahzadaulynyń bilimi joǵary, 1998 jyly Semeı memlekettik ýnıversıtetin, 2003 jyly Sh. Esenov atyndaǵy Kaspıı memlekettik tehnologııalar jáne ınjınırıng ýnıversıtetin bitirgen.
Eńbek jolyn 1990 jyly «Almataagrospesstroı» tresti SPMK-1 mekemesinde qurylysshy-betonshy bolyp bastaǵan.
1991-1993 jyldary № 35748, № 18351 áskerı bólimderinde merzimdi áskerı qyzmette bolǵan.
1998-2000 jyldary Almaty qalasyndaǵy № 124 orta mektebinde qazaq tili pániniń muǵalimi.
2000-2003 jyldary órtke qarsy qyzmet organdarynda, 2003-2004 jyldary «Senimdi Qurylys» jaýapkershiligi shekteýli seriktestiginde qyzmette bolyp, 2004-2005 jj. Mańǵystaý oblystyq Bilim basqarmasynyń «Otbasylyq úlgidegi balalar aýyly» memlekettik mekemesiniń dırektory, 2006-2007 jyldary «Jastar jetistikteri» qoǵamdyq qorynda ádisker, 2007 - 2008 jj. Mańǵystaý oblysy ákiminiń apparatynda uıymdyq-ınspektorlyq bóliminiń bas mamany, bas ınspektory bolyp qyzmet atqardy.
2008 jyldan qazirgi ýaqytqa deıin arnaıy memlekettik organda qyzmette bolǵan.