Múgedektigi bar adamdar jeke kómekshilermen tikeleı kelisimshart jasaıdy jáne bul ereje týystaryna da qoldanylady. Osy jáne basqa da ózgerister erekshe qajettilikteri bar adamdardyń ótinishi boıynsha Densaýlyq saqtaý jáne áleýmettik damý mınıstrliginiń «Múgedekterdi ońaltýdyń keıbir máseleleri týraly» 2015 jylǵy 22 qańtardaǵy № 26 buıryǵyna engizildi. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.
Eńbek jáne halyqty áleýmettik qorǵaý vıse-mınıstri Erlan Áýkenovtiń aıtýynsha, jeke qabyldaý, konferensııa rejımindegi jınalystar men jazbasha ótinishter aıasynda múgedektigi bar adamdar kóbinese jeke kómekshiniń qyzmetterin usynýǵa qatysty eskertýler men usynystar qaldyrdy.
2020 jylǵy shildeden bastap jeke kómekshilerdiń qyzmetteri Áleýmettik qyzmetter portalyna aýysady, sodan keıin múgedektigi bar adammen jeke kómekshiniń arasynda kelisimshart jasalady, erekshe qajettilikteri bar adamnyń jaqyn týystary da jeke kómekshi bola alady.
Sonymen qatar elimizdiń barlyq oblystarynda kómekshilerdiń qyzmetterine saǵatyna aqy tóleýdiń biryńǵaı mólsheri belgilenetin bolady. Buıryqta buǵan deıin bul másele rettelmegen bolatyn, sondyqtan ártúrli óńirlerde jeke kómekshilerdiń jalaqylarynda eleýli aıyrmashylyq boldy.
Sonymen qatar jańa redaksııada jeke kómekshiniń jáne ymdaý tili mamanynyń qyzmetterin kórsetýge qarsy kórsetimderden AITV-ınfeksııasyn juqtyrǵan adamdar sanaty alynyp tastaldy. Bul olardyń quqyqtary men zańdy múddelerine nuqsan keltirmeýge múmkindik beredi.