Qalalyq Tótenshe jaǵdaılar departamenti aýa raıynyń ózgerýine baılanysty elordalyqtardan qaýipsizdik erejelerin saqtaýdy suraıdy. Bul týraly Nur-Sultan qalasy ákimdiginiń baspasóz qyzmeti habarlady.
«Qazgıdromet» RMK derekteri boıynsha 5 aqpan kúni elordada kóktaıǵaq kútiledi.
Ońtústik-batystan soǵatyn jeldiń ekpini 15-20 m/s. Daýyldyń yqtımaldyǵy 85-90 % quraıdy. Astanalyqtarǵa kóshede baǵandardan, aǵashtardan, jarnamalardan, EJJ jáne symdardan alys júrý usynylady.
Sondaı-aq úıdegi barlyq terezelerdi jaýyp, jumys berýshiler qurylys-montaj jumystaryna shekteý qoıǵany durys.
Qatty jel bolǵan jaǵdaıda jaqyn mańdaǵy ǵımaratqa kirip, jel basylǵanǵa deıin jasyryný qajet. Qaýipsizdik maqsatynda bıik óksheli aıaq kıimnen bas tartyp, muz qatqan barlyq jerlerdi aınalyp ótý múmkindigin qarastyrǵan jón.
Egde jastaǵy adamdarǵa rezeńke ushtyǵy bar taıaq qoldanýǵa keńes beriledi. Jaıaý júrginshi aýyr sómkelerden bas tartyp, qulaý yqtımaldyǵyn arttyrmas úshin qoldy qaltaǵa salyp júrmeýi qajet.
Densaýlyqqa zaqym kelgen jaǵdaıda dáriger kómegine júgingen jón.
Sondaı-aq tótenshe jaǵdaı týyndasa, «112» nómirine qońyraý shalý kerek.