Erjan Sqaqov! О́r Altaıdyń tórinde kindigin kesken, sońǵy on jyldan beri Kúrshimde turyp jatqan «О́skemen qurylys» kompanııasynyń dırektory, oblystyq máslıhattyń depýtaty, «Qurmet» ordeniniń ıegeri, qurmetti qurylysshy, Kendi Altaıdyń shalǵaıdaǵy aýyldaryna 10 mektep, birneshe áleýmettik nysandardy kózdiń jaýyn alatyndaı ádemi etip salyp bergen bul azamatty ekiniń biri tanyp, qurmetteıdi desek, qatelese qoımaspyz. Rasy, Erjandy ustaý qıyn, shyraıly Shyǵysty tynbaı sharlap júretindikten azamatpen jolyǵý ońaı sharýa emes. Sáti túsip jaqynda Kúrshim aýdanynda issaparmen bolǵan kezde Erjanmen kezdesýdiń oraıy keldi.
Erjan Sqaqov! О́r Altaıdyń tórinde kindigin kesken, sońǵy on jyldan beri Kúrshimde turyp jatqan «О́skemen qurylys» kompanııasynyń dırektory, oblystyq máslıhattyń depýtaty, «Qurmet» ordeniniń ıegeri, qurmetti qurylysshy, Kendi Altaıdyń shalǵaıdaǵy aýyldaryna 10 mektep, birneshe áleýmettik nysandardy kózdiń jaýyn alatyndaı ádemi etip salyp bergen bul azamatty ekiniń biri tanyp, qurmetteıdi desek, qatelese qoımaspyz. Rasy, Erjandy ustaý qıyn, shyraıly Shyǵysty tynbaı sharlap júretindikten azamatpen jolyǵý ońaı sharýa emes. Sáti túsip jaqynda Kúrshim aýdanynda issaparmen bolǵan kezde Erjanmen kezdesýdiń oraıy keldi.Kúrshim aýdanynyń ákimi Altaıbek Seıitov aýdandaǵy qurylys nysandarynyń kóbinde «О́skemen qurylys» kompanııasynyń izi saırap jatqanyn tilge tıek etti de, olardy tizbelep shyqty.
– «Erjan Sqaqovtyń qurylysshylary sońǵy birneshe jylda oblysta onnan astam mekteptiń qurylysyn salyp berdi. Tek Kúrshim aýdanynda Amanat, Terektibulaq, Baraq batyr, aýdan ortalyǵynda 600 oryndyq mekteptiń qurylysyn merziminde aıaqtady. Munyń syrtynda Katonqaraǵaı, Shemonaıha aýdandarynda da birneshe mektep turǵyzǵan. О́tken jyly Kúrshimdegi 64 páterli turǵyn úıdi merziminen buryn salyp berip, aýdanda qyzmet etetin ustazdar men dárigerler, az qamtylǵan otbasylarǵa páter kiltin tapsyrýǵa óńir basshysy Berdibek Saparbaev arnaıy qatysyp, qurysh bilekti qurylysshylarǵa alǵysyn aıtty. Erjannyń qurylysshylary munyń syrtynda jabyq sport modýlin, hokkeı, fýtbol alańdaryn salyp bergen. Aýdan ortalyǵyndaǵy Báıterekte de qurylysshylardyń izi saırap jatyr», – dedi aýdan ákimi A.Seıitov.
Aýdan ortalyǵynyń kórikti jerinde, Báıterektiń mańynan quny 580 mıllıon teńgeniń 300 oryndyq mádenıet úıiniń qurylysy qarqyndy júrip jatyr. Bir súıinishtisi, ǵımarat qurylysyna jergilikti materıaldar qoldanylady eken.
–Budan jeti-segiz jyl buryn ózimizdiń qurylys bazamyzdy qurǵanbyz. Qazir kirpishtiń penoblok atty túri taptyrmaıtyn materıal. Ol jeńil, sapaly ári qysta jyly bolady. Qum, sementke Qytaıdan ákelingen myrysh untaǵyn qosý arqyly kirpishtiń shydamdylyǵy artady. Bir penoblok tórt-bes kirpishti almastyra alady, sondyqtan qurylys ta qarqyndy, jyldam salynady. Budan eki jyl buryn «Kókjal» saýda úıin salǵan kezde de ózimiz ázirlegen materıaldardy paıdalandyq. Qazir 500 oryndyq meıramhana qurylysyn salýdy bastadyq. Qytaıdan jetkizilgen beton aralastyrǵysh júıe bir saǵatta 45 tekshe betondy ázirleıdi. Kúrshimniń batys jaǵynda kompanııanyń plastıkten esik, tereze, páter balkondaryn jasaıtyn sehy jumys istep tur. Arzan bolǵan soń tipti kórshi aýdandardan satyp alyp jatqandar qatary kún saıyn kóbeıip keledi. Ol ol ma, Ýkraınanyń Kremchýk qalasynan 600 myń AQSh dollaryna satyp alǵan asfalt zaýyty óńirdiń joldaryn salýda keńinen qoldanylýda, – dep Erjan inimiz biraz jaılardy ortaǵa saldy.
«О́skemen qurylys» kompanııasy salǵan «Kókjal» sýpermarketine kirdik. Tipti mundaı ǵımarattar aýyldy qoıyp oblys ortalyǵynda sırek kezdesedi. Jan-jaǵy qaraǵaı, samyrsyn aǵashtarymen kómkerilgen, ishi-syrty aınadaı taza eki qabatty ǵımaratta shashtaraz, saýda oryndary, balalarǵa arnalǵan kıim-keshek saýdalanady. «Kókjal» sýpermarketiniń ishinde qonaqúı, dámhana, shashtaraz bar. Almagúl Qaıyrhanova bir jyl buryn О́skemende shashtarazdar ázirleıtin kýrsty támamdaǵan soń «Kókjal» saýda úıinen oryn alyp, Anar Qaıshantaeva, Janna Ábilqaıyrova úsheýi aýyl turǵyndaryna qyzmet kórsetýde.
Erjannyń jubaıy Gúlnar Qatpanova esep-qısaptardy jasasa, Nurǵıza Amanbaeva qajetti zattarmen qamtamasyz etedi. Aıta ketý kerek, qurylys kompanııasynda bul kúnderi 250 adam eńbek etedi. Munyń syrtynda Erekeń basqaratyn «Kókjal» sharýa qojalyǵynda júzdegen iri qara, jylqy bar, aýdan ortalyǵynda mal ónimderin arzan baǵamen saýdalaıtyn dúkeni aýyl tur ǵyndarǵa qyzmet etýde. Aýyldyń jıyrmaǵa tarta adamy dúkennen arendaǵa dúńgirshek ashyp alyp, saýdalaryn qyzdyryp jatyr. Arenda baǵasy qalta kótererlikteı, deıdi saýda jasaýshylar. «Kókjalda» Erekeń otyz adamǵa jumys ornyn taýyp tergen. Sol mańdaǵy qurylys dúkenine kirgen kezde de jınaqylyq pen uqyptylyqty baıqadyq. Munda kez kelgen qurylys materıaldaryn taýyp alasyz, baǵasy qala dúkenderimen salystyrǵanda arzan bolmasa, qymbat emes. «Paıda tabýdy emes, jerlesterimniń qajetin óteýdi maqsat tuttym, olarǵa jumys taýyp berýdi azamattyq boryshym sanadym», deıdi Erjan Sqaqov.
Shynynda da, aýylda turyp jatsa da Erjan Sqaqov basqaratyn kompanııa qurylysshylary óńirdegi qurylys nysandaryn salýǵa qyzý aralasady. Onyń qupııasy joq, tenderge qatysqan kezde barynsha arzan, únemmen qurylys ǵımarattaryn salyp berýge kepildeme beredi. Sebebi, sementten basqa materıaldardy ózderi daıyndaıtyn bolǵan soń oǵan senim artylatyny belgili. Sondyqtan bolar, atalǵan kompanııa sońǵy eki jyldan beri Shemonaıha aýdanynda birneshe nysandardy salýda. Jaqynda ǵana kompanııa osynda 320 oryndyq mekteptiń qurylysyn aıaqtapty.100 oryndyq ınternat qurylysyn bir aıda salyp bergen qurylysshylarǵa aýdan jurtshylyǵy erekshe alǵysyn bildiripti. Jaqynda Shemonaıhada 180 oryndyq mekteptiń qurylysyn bastap ketken jigitterdiń ony merziminde aıaqtaıtyndaryna senim mol.
Qazir qurylys salýǵa qarjy jetedi. О́kinishke qaraı, bilikti de bilimdi mamandar jetispeıdi. Kóp rette jumys kúshi men tehnıka jetpese de qatarynan birneshe tenderge qatysyp, ony utyp alǵan soń, ne isterlerin bilmeı, ǵımaratty merziminde tapsyra almaı otyrǵan qurylys kompanııalary barshylyq. Bul rette Erjan Sqaqov basqaratyn «О́skemen qurylys» kompanııasynan basqalar úlgi alsa, qanekı. Olardyń jumys kúshi men tehnıkasy qazirgi zamanǵy talaptarǵa saı, merziminde ǵımaratty salyp, tapsyrady. Erjandiki sııaqty eki-úsh kompanııa bolsa, isimiz alǵa basar edi, degendi oblys ákimi qurylysshylarmen bolǵan alqaly jıynda aıtqan edi. Iá, bul bıznestiń jaýapkershiligin bildirse kerek.
E.Sqaqov qaıyrymdylyq sharalaryna da belsene aralasady. Kezinde ózi de sportpen shuǵyldanǵan azamat aýdannyń sportshylaryna únemi demeýshilik jasaıdy. Fýtbol, hokkeı alańyn salyp berýi sonyń dáleli bolsa kerek. Mektepter men balabaqshalarǵa da kómegin kórsetip turady. Balabaqsha demekshi, Shemonaıhada 280 oryndyq balabaqshanyń qurylysyn bastady. Glýbokoe aýdanynyń Cheremshanka kentinde de emdeý-dárigerlik ambýlatorııa qurylysy júrýde.
Qashan kórseń de tynym tappaı shapqylap júretin qurylys salasynyń bilgir mamany jol salýǵa da belsene aralasyp júr. Halyq qalaýlysy retinde ol aýyl adamdarynyń muń-muqtajyn sheshýge de belsene aralasady. «Shirkin, Buqtyrma boıynan paromnyń ornyna kópir salynsa, aýyl adamdarynyń kózi ashylar» degendi sezdirgen. Depýtat retinde bul ózekti máseleniń sheshimin tabýyna da úles qospaq oıy bar. Bul oıyn oblys basshylary da qoldap otyr. Jaqynda ǵana olar Shemonaıha aýdanynda «Kókjal» atty asfalt zaýytyn iske qosypty. Demek, jol uzaq, arman alda degendeı. Kendi Altaıdyń birneshe aýyldaryndaǵy qurylysta saıraǵan izi jatqan Erjan Sqaqovtyń bergeninen bereri kóp. «Jumyspen qamtý-2020» baǵdarlamasyna da úlken úles qosyp jatqan azamattyń búgingisinen erteńi jarqyn bola bermek.
Ońdasyn ELÝBAI,
«Egemen Qazaqstan».
Shyǵys Qazaqstan oblysy,
Kúrshim aýdany.
Sýretti túsirgen avtor.