«Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» zań jobasynyń tujyrymdamasy qoǵam talqylaýyna shyǵaryldy. Bul týraly Aqparat jáne qoǵamdy damý mınıstri Dáýren Abaev Facebook paraqshasynda jazdy.
- Qurmetti dostar! О́zderińizge málim, Memleket basshysy Ulttyq qoǵamdyq senim keńesi otyrysynda beıbit jınalystar týraly jańa zań ázirleýdi tapsyrdy. Búgin bizdiń Mınıstrlik «Ashyq Úkimet» saıtynda osy normatıvtik-quqyqtyq akt tujyrymdamasynyń jobasyn ornalastyrdy. Kelip túsken usynystar men jetekshi halyqaralyq tájirıbeler negizinde birqatar jańa engizilimder usynylady, - dep jazdy Dáýren Abaev.
Mınıstrdiń aıtýynsha, endi 10 jumys kúni ishinde ár azamat óz eskertpesi men túsiniktemesin qaldyra alady. Olar aldaǵy ýaqytta qarastyrylady.
- Jýrnalısterdi, úkimettik emes sektordyń ókilderin, azamattyq belsendilerdi osy jumysqa qatysýlaryńyzdy suraımyn, - delingen jazbada.