2020 jyly elordada qurylysy uzaqqa sozylǵan nysandardyń sany 20-ǵa tómendeıdi - 7800 úlesker páterlerin alyp, úı qujattaryn rásimdeı alady. Bul týraly turǵyndardyń aldynda atqarylǵan jumys boıynsha esep bergen elorda ákimi Altaı Kólginov málimdedi, dep habarlady qala ákimdiginiń baspasóz qyzmeti.
«Biz úlestik qurylys obektileriniń árqaısysyna birneshe qaıtara bardyq: keı úılerde qosalqf satý faktileri bar, tehnıkalyq qabattar men parkıngterdi qurylys salýshylar páter retinde satqan. Qadamdyq is-sharalar jospary ázirlendi. Búgingi tańda qalada 12,5 myńnan astam úlesker bar, bul 42 nysan. 20 úıdi osy jyly tapsyramyz, bul ótken jylmen salystyrǵanda 2 ese kóp. 2019 jyly 10 turǵyn úı kesheni paıdalanýǵa berildi – bul 2,5 myń úlesker», dedi qala ákimi Altaı Kólginov.
«Terrıtorııa komforta – 1» turǵyn úı keshenin súrý jumystary bastaldy, úı 2004 jyldan bastap salyna bastaǵan. Úıdi tehnıkalyq tekserý ǵımarat apatty jaǵdaıda ekenin kórsetti: burynǵy qurylys salýshy tehnıkalyq normalarǵa sáıkes kelmeıtin beton markasyn qoldandy. Investor anyqtaldy. «Altyn shar» men «Baǵystan» turǵyn úı keshenderiniń qurylysy qaıta bastaldy; «Shyǵys» turǵyn úı kesheninde 8 turǵyn úı toby bar, 3 top boıynsha qurylys jumystary júrgizilip jatyr, 2 top boıynsha – JSQ ázirleý, qalǵandary boıynsha – qarjy modelin ázirlenip jatyr.
№3 polıgonda «Jaǵalaý» turǵyn úı kesheniniń qurylys-montaj jumystary júrgizilse, №4 polıgon boıynsha ınvestordyń banktik kepildigin alýy kútilip otyr. Úlestik qurylystaǵy negizgi problemalar mindetán durys atqarmaǵan qurylys salýshylarmen jáne paıshylardyń arasyndaǵy sot aýyrlyǵy, jobalyq-smetalyq qujattamanyń jáne saraptamanyń, qarjylyq jáne tehnıkalyq aýdıttiń bolmaýy. Problemalyq nysandardy aıaqtaý úshin «Nurly Jer» memlekettik baǵdarlamasyna ózgerister engizildi, 13 nysan boıynsha memlekettik saraptama qorytyndysy alyndy, 19 nysan boıynsha ázirleý jáne túzetý júrgizilýde, 26 nysan boıynsha qarjy jáne tehnıkalyq aýdıt júrgizilse, 12 nysan boıynsha qarjy modeli ázirlendi.