Jyl saıyn pedagogıka mamandyǵy boıynsha 40 myń adam oqý bitirgenimen, mektepterde 5 myń muǵalim jetispeıdi. Bul týraly Bilim jáne ǵylym mınıstri Ashat Aımaǵambetov «Qazaqstan» telearnasyndaǵy «Ashyq alań» baǵdarlamasynda aıtty.
«Búgingi kúni mektepterge 5 myń muǵalim jetpeıdi. Al pedagogıkalyq mamandyqtar boıynsha ýnıversıtetterde 145 myń adam oqyp jatyr. Jyl saıyn 40 myń adam oqý bitiredi. Biraq olar mektepke barǵysy kelmeıdi. Ekinshiden, ynta joq», - dedi mınıstr.