Aqtaý qalalyq PB-nyń ıývenaldy polısııa qyzmetkerleri oblystyq «Jasóspirim» jáne «Túngi qaladaǵy balalar» jedel-aldyn alý is-sharasy aıasynda birqatar reıd ótkizdi. Shara qadaǵalaýsyz jáne qaraýsyz ómir saltyn júrgizetin kámeletke tolmaǵandardy, onyń ishinde túngi ýaqytta zańdy ókilderiniń erip júrýinsiz oıyn-saýyq mekemelerinde júrgenderdi anyqtaý maqsatynda júrgizildi. Bul týraly Mańǵystaý oblystyq Polısııa departamentiniń baspasóz qyzmeti habarlady.
Is-shara barysynda 238 ákimshilik quqyq buzýshylyq anyqtalyp, onyń ishinde 158-i QR ÁQBtK-niń 442-baby 1-bóligimen (Kámeletke tolmaǵandardyń zańdy ókilderiniń erip júrýinsiz túngi ýaqytta oıyn-saýyq mekemelerinde nemese turǵynjaıdan tys jerde bolýy) ákimshilik aıyppul salyndy.
Sonymen qatar 23 kámeletke tolmaǵandarǵa qatysty alkogol jáne temeki ónimderin satý faktisi anyqtaldy. Iývenaldy polısııa ınspektorlary QR ÁQBtK-niń 133-baby jáne QR ÁQBtK-niń 200-baby alkogol ónimderin satý boıynsha Qazaqstan Respýblıkasy zańnamasynyń talaptaryn buzǵany úshin ákimshilik hattama jasaqtady.
Barlyq jetkizilgen kámeletke tolmaǵandar men olardyń ata-analarymen aldaǵy ýaqytta quqyq buzýshylyqqa jol bermeý boıynsha jeke túsindirme áńgime júrgizildi, qaıtalap buzǵan jaǵdaıda ata-analarǵa balalardyń quqyqtaryn qorǵaý jónindegi komıssııaǵa materıaldar jiberiletindigi jáne esepke qoıylatyndyǵy týraly eskertildi.
Kámeletke tolmaǵandardy beıimdeý ortalyǵyna túngi ýaqytta eresektersiz júrgen 9 bala ornalastyryldy.
Qyzmetkerlerdiń erekshe nazarynda esepte turǵan turmysy nashar otbasylar boldy. Balalardyń ómir súrý jaǵdaıy, sanıtarlyq jaǵdaıy, tıisti kútip-baǵýy tekserildi.
Iývenaldy polısııa jelisi boıynsha jedel aldyn alý is-sharalary barysynda 23 ata-ana anyqtalyp, esepke alyndy. Búgingi kúni 191 qolaısyz otbasy baqylaýda tur, ınspektorlar turaqty túrde olardy turǵylyqty jeri boıynsha tekseredi.
Nátıjesinde qorǵaý nusqamasyn buzǵany jáne jaǵdaıdy jaqsy jaqqa jaqsartpaǵany úshin 13 ata-anaǵa qatysty materıaldar jınaqtalyp, balalardyń quqyqtaryn qorǵaý jónindegi komıssııaǵa jiberildi. Ata-ana quqyǵynan aıyrý úshin 7 ata-ana, ata-anaǵa qatysty quqyqtardan ýaqytsha aıyrý úshin 6 ata-ana jiberildi, 2 ata-anaǵa qatysty materıaldar jınaqtalyp balalardyń quqyqtaryn qorǵaý jónindegi komıssııanyń sheshimi boıynsha materıaldyq jaýapkershilikti qamtamasyz etý, tárbıeleý, azǵyndyq minez-qulyq jáne balalardyń psıhologııalyq damýyn buzý jónindegi mindettemelerin oryndamaǵany úshin ákimshilik sotqa joldandy.