Keshe Túrkistan oblysy Badam eldi mekenindegi 10216 áskerı bólimde áskerı boryshyn ótep júrgen sarbaz qoımadan qarý-jaraq urlap, belgisiz jaqqa qashyp ketkeni týraly aqparat taraǵan edi. Qorǵanys mınıstrligi aqparatty rastady.
Áskerı bólimniń kishi serjanty, kezekshiniń kómekshisi A.Balǵynbaıdyń qashyp ketkeni tańerteńgi saǵat 7-de belgili bolǵan. Tús qaıta Qorǵanys mınıstrligi osyǵan qatysty resmı aqparat taratty. Onda kishi serjant A.Balǵynbaıdyń kezekshilik aýysymy kezinde óz betinshe áskerı bólimdi tastap ketkeni, osydan keıin bólimde qarý-jaraqtyń jetispeıtindigi belgili bolǵany kórsetilgen. Aqparatta, sondaı-aq kúshtik qurylymdar men áskerı polısııanyń qajetti shuǵyl-izdestirý jáne qaýipsizdik sharalaryn júrgizip jatqany jazylǵan edi.
Ishki ister mınıstrligi men UQK qyzmetkerleriniń arnaıy jedel toby qashqyn sarbazdy kóp uzatpaı ustady. Qazirgi ýaqytta tıisti tergeý amaldary júrip jatyr.
Túrkistan oblysy