Halyqaralyq ekskýrsııa júrgizýshileriniń merekesine oraı uıymdastyrylǵan sharaǵa Almatynyń 7 mýzeıinen iriktelgen bilikti mamandar qatysty. Olar vırtýaldy ekskýrsııa, meniń súıikti eksponatym jáne tarıh, óner, ádebıet baǵyttary boıynsha baq synady.
«Ekskýrsııany júrgizý barysynda kóptegen qatelikterge jol beriledi. Olar: artyq qımyl-qozǵalystar men parazıt sózder. Mine osyndaılardan arylý úshin bizder únemi eskertý jasap, tereńdetilgen daıyndyqtan ótkizip, udaıy daıyndyq jumystaryn júrgizip otyramyz», - dedi «Almaty qalasy mýzeıler birlestigi» dırektorynyń orynbasary Qaırat Tarbaev.
Uıymdastyrýshylardyń aıtýynsha, ekskýrsııa júrgizýshilerine qoıylar talap kúshti. Olar jan-jaqty, tili jatyq, tarıhtan habary bolýy tıis. Myqty maman eń qarapaıym degen jádigerge ótimdi aqparat bere alady. Sondyqtan mundaı sharanyń ótýi ekskýrsııa júrgizýshilerin shyńdap, tájirıbe almasýǵa múmkindik beredi deıdi qatysýshylar.