Bul kúnderi Japonııanyń Tazavako qalasynda frıstaıl-mogýldan álem kýbogynyń kezeńdik saıystary ótýde.
Jarystyń alǵashqy kúni Dmıtrıı Reıherd óz jankúıerlerin qýantty. Básekeni basynan aıaǵyna deıin joǵary qarqynda ótkizgen qazaqstandyq sportshy fınaldyq saıysta 81,62 upaı jıyp, ekinshi oryndy ıelendi. Onyń aldyn oraǵan kanadalyq Maıkl Kıngsberı. Al úshinshi orynǵa Úıeńki japyraqtar eliniń taǵy bir ókili Loran Dıýme jaıǵasty.