Qazaqstan Respýblıkasynyń Syrtqy ister mınıstrligi Erekshe tapsyrmalar jónindegi elshisi Erlan Haırov Qazaqstannyń Eýropalyq bıznes qaýymdastyǵy (EÝROBAK) músheleriniń jyl saıynǵy jınalysyna qatysty. Bul týraly Syrtqy ister mınıstrliginiń baspasóz qyzmeti habarlady.
Is-sharanyń qonaqtary iri halyqaralyq jáne qazaqstandyq kompanııalar, sondaı-aq dıplomatııalyq qaýymdastyqtyń ókilderi boldy.
20 jyldyq mereıtoı qurmetine Qaýymdastyq óz seriktesterine, atap aıtqanda Qazaqstannyń syrtqy saıası vedomstvosyna kópjyldyq yntymaqtastyq pen qoldaý kórsetkeni úshin alǵys hat tapsyrdy.
«Dóńgelek ústelge» qatysýshylar elimizdiń ınvestısııalyq ahýalyn talqylap, sondaı-aq Qaýymdastyqtyń ótken jylǵy qyzmetiniń nátıjeleri týraly eseptermen jáne 20 jyl ishindegi negizgi jetistiktermen tanysty.
EÝROBAK - Qazaqstandaǵy Eýropalyq bıznes qaýymdastyqty bildiretin kommersııalyq emes uıym. Qaýymdastyq Qazaqstanda jumys isteıtin jáne ınvestısııa jasaıtyn Eýropalyq Odaq kompanııalarynyń jáne Qazaqstandaǵy Eýropalyq Odaq delegasııasynyń birlesken bastamasy boıynsha quryldy.